Lospalos News - Iha artigu antes ita koalia ona topiku diak ida, maka konaba Kualidade Edukasaun ho topiku Saida maka hu'un hosi kualidade Edukasaun Timor Leste nian ne'ebe ki'ik tebes?, agora Lospalos News Fila fali ho le'e nain sira iha topiku Imperialismo haksubar a'an iha demokrasia. Topiku ida ne'e aprezentadu ho objetivu atu loke ita hotu nia pensamentu hodi hatene saida maka Neoliberalismo nomos Imperalismu, atu karik iha Timor-Leste ita bele hatene karik mos Imperialismo haksubar a'an iha demokrasia Timor-Leste. Ita Kontinua ba topiku:
Imperialismo haksubar a'an iha demokrasia
Imperialista katak nasaun bot sira nebe iha hakarak ou interrese (kenpentingan) ne'ebe atu domina iha seitor industria no fundus (modal) iha nasaun ki'ik ka nasaun ne'ebe kbi'it laek, ho modelo politika neo liberalismo, Metode nebe sira uja atu pratika sira nia politika mak, merkado livre (pasar bebas) sira nia targeto mak nasaun sira nebe iha potensia natureza makas maibe kbi'it laek, no sira hanaran nasaun sira ne'e ho naran nasaun terseiro mundial (negara dunia ke tiga) sira implementa politika neo liberalismo hodi halo explorasaun ba nasaun terseiro mundial (negara dunia ketiga).
Nasaun ne'ebe sai autor ba imperialismo mak (AS) no sira nia koligasaun (sekutu) sira seluk, sira lori democrasia liberal nebe diferente tebes, ho demicrasia nebe ita pratika dadauk ne'e, democrasia ne'ebe ita interpreta mak, "husi povo ba povo ho povo", katak poder tomak iha povo nia liman, ne'e diferensia tebes ho sira nian, ema ne'ebe riku riku to'o as neba, no ema ne'ebe kiak kiak to'o rabat rai, ida ne'e maka democrasua liberal,maibe sira sempre ho rajaun katak democrasia liberal maka diak liu.
Imperialismo nunka atu deskansa koando nasaun ne'ebe sira tergetu ne sedauk monu ba sira nia politika foer ne'e.
Karik to'o iha ne'e ita komprende ona saida mak imperialismo no neoliberalismo, ita hakat ba nasaun nebe sira tergeto no sai ona vitima ba imperialista, no to'o fim nasaun sira ne'e revolta no kontra fali imperialismo
"Dadus evidensia/akontesemnetu"
Atu fortifika introdusaun badak iha leten, hau hakarak konvida belun sira hare ba nasaun sira ne'ebe sai targeto no vitima ona ba imperialista sira, ikus mai sira arepende no evalua sira failansu hodi luta kontra hasoru politika imperialismo nodi kore'e an husi imperialismo nia politika foer, nasaun sira ne mak hanesan nasaun sira iha kontinente (benua) amerika, ka konhesido ho amerika latina, Venezuela, Bolivia, Equador, Chile, Nicaragua, no seluk tan.
Pergunta ho metudu saida mak nasaun sira ne'e bele kore an ka livre husi imperialismo..?
Antes de ita kolia oinusa maka sira ne'e bele kore an husi imperilista.
Hau hakarak fo hatene katak saida deit mak imperialista halo iha kontinente refere..?
Amerika latina hanesan area primeiro iha mundu nodi imperialista sira pratika sira nianpolitika foer ne'e, antes de sira habelar ba iha nasaun sira seluk, maibe amerika latin mos hanesan area primeiro iha mundu hodi rejeita (tolak) politika imperialismo tamba rezultadu husi politika imperialista hamosu deit pursentu kiak ne'ebe tinan ba tinan amenta ba bebeik, hamosu klase sosial, estraga ambiente ho eskala bo'ot, no hafraku klase trabalhadores, no hamate movimentu movimentu progresivo husi povo, emgeral (secara umum).
Iha amerika latin iha grupu esquerda (golongan kiri) ne'ebe iha forsa ou kbi'it progresivo pela primeiraves hamutuk hodi luta fali depois de sosialismo iha europeia leste no uni soviet rahun.
Depois de senti sofrimentu liu tinan rua nolu (dua dasawarsa), mosu esperansa foun (harapan baru).
Primeiro, hamosu movimentu-movimentu progresivo nodi luta kontra politika neo liberalismo, depois de liu tinan hira hanesan ne'e, povo halao ofensivo (serangan), nodi halakon no hadau area importante.
Pela primeiraves iha istoria ba kontinente refere katak krize modelu neo liberalosmo tamba kandidatu-kandidatu husi sosualismo ka familiar liu ho esquerda susesu hodi manan eleisaun iha maioria nasaun amerika latin no hamosu espirito anti imperialismo, neo liberalismo.
Mai ita hanoin katak iha tinan 1998, Hugo Chavez manan eleisaun no sai presidente Venezuela, Venezuela hanesan nasaun ne'ebe sai pratika ba neo liberalismo inklui mos ho nasaun amerika latin sira seluk.
Ilha cuba hanesan nasaun exceçôes (perkecualian) no sai nasaun respeitável (terhomat). Depois iha tinan 2002 Ricardo Lagos sai prezidente Chile no Inacio Lula Da Silva (konhesido ho naran "Lula") sai prezidenta Brazil.
Nétro Kirchner manan eleisaun prezidente iha Argentina iha tinan 2003, no Tabaré Vasques manan iha Uruguay iha tinan 2005. Iha tinan 2006 Michelle Bachet mana iha Chile, Evo Morales iha Bolivia, Rafael correa iha Equador, no Daniel Ortega eleitu iha Nicaragua.
Iha tinan 2007 Cristina Fernandes manan iha Argentina no Alvaro Colom manan iha guatemala. Tinan 2008 Fernando Hugo manan iha Paraguay, no tinan 2009 Mauricio Funes manan eleisaun presidensial iha uruguay, no Evo Morales re eleito ho votus apsoluta iha bolovia.
Komparasaun forsa rua, Imperialismo (Kapitalismo) ho Sosialismo iha tempu agora, mapa amerika latina iha ona mudansa radikal. Equilibrio (perimbangan) esquerda sai forsa foun ne'ebe susar los ba imperialismo nodi too nia objektivo iha kontinente refere.
Nasaun esquerda sira rejeita (tolak) FTAA (Free Trade Area Of The Americans) no hari fali ALBA (Alternativo Bolivariana Ba America Latina) iha 14 desembru 2004 ho kompromisio entre Cuba ho Venezuela,no iha tempu refere nasaun america latin barak mak inklui, Bolivia, Nicaragua, Honduras, Dominica, no sira seluk tan.
Fila fali ba perguntas ohin katak, ho metodu oinusa mak sira bele koere'e an husi imperialista..?
Metodu sira uja mak hari força popular, katak hari movimento progresivo iha povo nia le'et, fo mos edukasaun politika (pendidikan politika) depois hamosu forsa popular ne'ebe ho baze fundamental nodi fo legitimasaun ba ideologia sosialismo ka konhesido ho esquerda.
Tuir pesquisa dor mexico Esther Ceceña katak Iha mundu ne'e so uniku dalan atu livre ka kore'e an husi imperialismo, neo liberalismo maka ho alternativo ida katak tenqe iha forsa popular ho begrownd politika esquerda.
Referesia livro (daftar pustaka)
- livro ho titulu "sosialisme" pengalaman Venezuela/amerika latin
- Marta Harnecker
"Konkluzaun"
Antes de hau foti nia konkluzaun hau hakarak konvida belun sira katak buat ne'ebe hau mensiona iha leten hanesan materia ba ita, liliu belun foin sa'e sira labele atu baruk nodi estuda tamba responsabilidade nasaun doben RDTL sei tula ba ita nia kabas.
Fila ba konkluzaun katak materia iha leten sai referensia ba ita koando hakarak sai nasaun ne'ebe digno no la sai boneka ba nasaun imperialismo uniko dalan maka hari forsa popular.
Tamba ho movimento progresivo sira ne'e maka ita sei iha esperansa (harapan) nodi realiza duni saida mak ita nia fundador nasaun ka lutadores sira aponta iha ita nia Hino Nasional Patria-Patria : Abaixo o Imperialismo Terra Livre Povo livre Naô, Naô, Naô a exploraçao.
Mak ne'e deit la haluha mos hau nia respeita ba belun sira hotu obrigado wain.
Hanesan foin hahu ka aprende hau mos presija duni belun sira nia kritika no sugestaun, tamba ho belun sira nia sugestaun no krtika maka ita hotu nia susesu....abraço...!!!
Hekerek hosi Fito cele
Editor Z-ray Vilela
0 komentar :
Post a Comment
Komentariu lao ho Etika