Lospalos News (LNews) funda hosi grupu sosiedade komunikasaun ne’ebé iha esperiensia Teknolojia Informasaun. Funda iha Dili, Loron 10 Fulan Maiu Tinan 2017 iha tempu ne’ebé ho hanoin ida mesak atu observa no tranzmite problema sosiál ba públiku. Ezijénsia portal ne’e konta mós kriatividade fundadór sira nian, tanba portal ne’e harii sein vensimentu hosi entidade eh instituisaun ruma.
Lospalos News (LNews) hanesan media online ida ne’ebé eziste atu tranzmite problema eh kestaun sosiál ne’ebé povu maubere enfrenta. Lospalos News (LNews) sei sai media ida ne’ebé independente, neutralidade no transparénsia, no sei la fasil atu monu ba influensia ba entidade eh instituisaun ruma no ema seluk nian.
Prezensa Lospalos News (LNews) garantia liberdade imprensa no liberdade espresaun tuir konsagrasaun Konstituisaun-RDTL artigu 40 no 41.
Lospalos News (LNews) nia atividade kobertura sei haktuir kode étiku ne’ebé aprova ona iha concelho imprensa Timor-Leste.
Parseiru Lospalos News (LNews) mak leitór sira ne’ebé asesu portal loron-loron.
Lospalos News (LNews) sei publika ita bot sira nia dokumentasaun hodi publika iha portal refere, automatikamente sei la’o rasik bainhira ita bot loke portal ne’e iha desktop.
Ami mós simu ita boot sira nia dokumentu video ka filme ruma ne’ebé hakarak publika.
Programa nesesáriu iha Lospalos News (LNews) maka hanesan:
- Breaking news
- Notísia dokumentasaun
- Multimedia Lospalos News (LNews)
Ami promete katak, portal ne’e seidauk bele fó satisfasaun ba leitór sira iha momentu ne’e, maibé ami fiar katak satisfasaun sei akontese bainhira ita boot sira fo sujestaun no konstrutivu.
Ita boot sira nia sujestaun nu’udar meius ida atu hadi’a portal ne’e, hodi bele kontribui ba prosesu demokratizasaun iha kontestu liberdade imprensa no liberdade espresaun.
Misaun : Sai lian ba lian laek sira liu hosi termu observa, analiza, tranzmite no responsabiliza.
Vizaun : Sai ajente transformasaun sosiál hodi garantia liberdade imprensa no liberdade espresaun iha estadu direitu demokrátiku RDTL.
E-mail: lospalosnews@gmail.com
Facebook : Lospalos News
0 komentar :
Post a Comment
Komentariu lao ho Etika