TrabalÌu Artista Timor la apresiadu iha rai laran ||ZRD

Waihira Timor Leste hetan nia independensia Total iha Loron 20 Fulan Maiu Tinan 2002, Timor oan tomak hetan liberdade hodi bele halao moris tuir kondisaun sosial ne'ebe iha, aspeitu sosial hotu-hotu sai parte ida ba Timor oan tomak nia  resposabilidade, dever no obrigatoriu, Timor oan tomak iha direitu mos hodi partisipa iha aspeitu sosial sira, inklui mos aspeitu arte no kreatividade.

Maibe saida maka ita hotu sei bele halo, karik ita nia kreatividade no TrabalÌu la apresiadu ka desvalorizadu iha rai laran? Pegunta ne'e hanesan mos ho analojia ida katak, diak liu sai fatuk iha rain rasik duke sai osan mean iha ema nia rain...!

Hau kria ona buat diak ida ne'ebe inkrivel maibe......
Surat tahan a'at ida taka iha didin lolon parede fatin lisu fatin, lisu fatin ne'e iha hela estrada ninin ida iha sidade Dili nia laran, iha surat tahan ne'ebe foer los no nehek mos laiha vontade atu sama ne'e, hakerek nune'e:

1. Hau kria ona buat diak ida ne'ebe inkrivel

2. Liaha ema ida maka apresia no valoriza hau nia kreatividade no TrabalÌu ne'e

3. Entaun hau sai estranjeiru (Ema nia rain)

4. Iha ema nia rain hau nia kreatividade no TrabalÌu glorifikadu tebes

5. Depois hau sai famozu no konhesidu iha ema nia rain, no kreatividade ho TrabalÌu sai patenteadu ba ema hotu ne'ebe laos hosi hau nia rain rasik

6. No ikus mai ema iha hau nia rain tanis, no kestiona, tamba sa hau la promove  hau kreatividade ho TrabalÌu iha hau nia rain rasik.

Karik iha ema ida mak le'e ona surata tahan foer ne'e, entaun nia hatene Istoria ne'e konta nune'e..! Maibe saida maka ita lori hodi responde Istoria ne'e? Espera katak ema barak maka sei hetan solusaun hodi bele kompleta Istoria ne'e.

Triste tebes ho buat hotu ne'ebe movimenta iha rai doben Timor ne'e, ita sei refleta hikas kreatividade ho TrabalÌu emar Timor ne'ebe bele anima mundu tomak no patenteadu ba ema hotu ne'ebe laos hosi ita rain tamba iha ita rasik rain la apresiadu ka desvalorizadu tebes.

Hosi Istoria badak ne'e hamosu pergunta interesante tebes ida....

katak, Realidade ka lae, kreatividade no TrabalÌu Artista Timor la apresiadu ka desvalorizadu iha rai laran?

Karik pergunta ne'e ema husu ba hau, simplesmente hau sei responde, tebes, no realidade duni, kreatividade no TrabalÌu Artista Timor la apresiadu ka desvalorizadu iha rai laran, maibe iha rai liur glorifikadu tebes tamba nia progressu kualidade hanesan mos ona ho iha sira nia rain.

Hakerek mos ita nian no manda ba zerray.verdyan@gmail.com hodi bele tutan ba reflesaun badak ne'e.

ZRD01012013

Share to Google Plus

About Lospalos News

Lospalos News hanesan media ida ne'ebe eziste hosi ema Lospalos atu transmite informasaun sosial ba publiku no laiha interese ba kualker aspeitu ne'ebe iha relasaun ho osan. informasaun ne'ebe Lospalos News publika mai hosi fontes barak, ho intensaun atu publika tutan ba ema hotu ne'ebe presiza.