Jaco (Ho naran iha Lian Fataluku TOTINA), hanesan naran hosi ilheu ida ne’ebe pertense iha Timor Leste, ne’ebe lokalizadu iha ponta oriental ilha Timor Leste nian.
Ilheu jaco (Ho naran iha Lian Fataluku TOTINA) iha kordenada jeografia 8 ° 27 'S no 127 ° 20' E, katak iha kordenada geografia mapa mundu nian iha 8 ° 27 'S to’o ba 127 ° 20' E.
Jaco (Ho naran iha Lian Fataluku TOTINA) politikamente hanesan parte hosi Postu Administrativu Tutuala, Munisipiu Lautem no nasaun Timor Leste nian.
Jaco hafahe ka separa distansia ki’ikoan id hosi Ilha Timor, ho nune’e bele assesu ba ho transporte ki’ikoan be’e nian, hanesan ro’o ki’ikoan sira.
Area Ilheu Jaco ne’e aproximadamente kuaze 10 kilomterus kuadradus, no iha ilheu ne’e laiha ema ida hela ka desabilita.
Jaco mos konsidera lulik ka sagradu hosi komunidade lokal ne’ebe besik, tantu ema lospalos tomak, no ema ne’ebe tama ba area illheu ne’e konsidera hanesan ilegal.
Ilheu Jaco hanesan ilheu ne'ebe uniku tebes iha timor, laos hosi aspeitu ilheu ne'ebe iha timor rua deit ne'e (Atauru ho Jaco) , maibe hosi aspeitu misteriu, hanesan sasan lulik Sira ne'ebe iha fatin refere, tamba iha ilheu ne’e konsidera hanesan ain fatin beiala sira nian tuir komunidade Lospalos, liu-liu sira ne’ebe besik area refere.
Agora dadauk, turismu sira bele ba ona illheu ne’e, ho lori hosi peskador sira hodi nani halimar ka aktividade merguillu.
Atraves de potensia turistiku, espesifikamente mos ba emar Lospalos rasik, jaco hanesan ain fatin beiala Sira nian, em termos de Knua (Ratu) hotu-hotu ne'ebe iha Lospalos nia ain fatin dahuluk maka ilheu jaco (Totina) ne'e.
Ho nune’e, komunidade iha fatin Vallu nian la fo lisensa ba Ema seluk bele Toba iha ilheu ne'eba, ne'e laos Tan atu proteje ilheu nia furak maibe atu proteje konsiderasaun ain fatin beiala Sira nian, iha parte seluk mos atu Ema seluk lalika hetan dezastre ruma ne'ebe iha relasaun Ho misterius.
Misteriu uniku ida iha jaco maka, sosialismo solidu versaun kultura, katak iha ilheu ne'e ita labele haksesuk malu konaba material, fatin eh sasan ruma, tamba sei afeita ba dezastre misteriu ida, katak beiala Sira nia klamar iha fatin refere la simu hahalok ida ne'e, tamba hosi hun no abut ita mesak ida deit....
Liafuan misteriu nee maka lori ona mai moto munisipiu Lautem, katak Horupe lauteinu ukani, horupe lauteinu uhule (hamutuk Lautem ida, hamutuk Lautem bele.
Jaco mos sai hanesan parte hosi parke nasional Timor Leste, ho naran parke Nino Konis santana.
Z-Ray
Le Mos: Parque Nacional Timor-Leste
Furak tebes Lautem No Ilha Jaco
ReplyDeleteHau iha planu atu halo filme ba Jaco. Obrigado ba informasaun nee. Keep posting
ReplyDelete