Lospalos News - Iha artigu antes, ita iha esplikasaun badak konaba Baze Legal Servisu de Alienasaun tolu ne'ebe maka Parlamentu Nasional III Legislatura kontra: hanesan,:
-Decreto Lei Numeru : 32/2011, de 27 Julho,Gestao e alienacao do Bens Moveis do Estado.
-Despacho 13/MDF-MI/VIII/2011, Nomeação dos Membros da Comissão de Leilões.
-Diploma Ministerial MdF. Numeru 01/2010, de 8 de Marco kona ba “Regime de Gestao do Inventario e Gestao dos Bens Imoveis.” (Le iha Parlamentu Nasional kontra Baze Legal Servisu de alienasaun).
Ho nune'e, iha artigu ida ne'e ita sei diskute fali Analize Kontabilidade Leilaun Prado bazeia ba Diploma Ministerial Ministerio das Finanças numeru 15/2012, 30 de Maiu nian.
Tuir Diploma Ministerial Ministerio das Finanças numeru 15/2012, 30 de Maiu, konsagra katak, vida util kareta Estadu ne'ebe atu leilaun, kada tinan hetan depresiasaun 13,33% ho valor residual 20%.
Bazeia ba definisaun refere, ita liga mai iha KARETA PRADO ne'ebe Parlamentu Nasional III Legislatura atu leilaun ba ne'e, ita sei bele hatene lolos, KARETA PRADO refere sei Leilaun ho folin hira, tuir Diploma Ministerial Ministerio das Finanças numeru 15/2012, 30 de Maiu nian.
Por tantu, Kareta Prado ne'ebe Parlamentu Nasional III Legislatura atu leilaun ba ne'e karik tinan lima liu ba sosa ho $ 65.000 maka sei hetan depresiasaun 13,33% ho valor residual 20%. no folin depresiasaun $ 8.645 kada tinan. (Kontajem uza Ms. Exel)
Entaun, kareta prado ne'ebe uzadu ona durante tinan 5, karik konta tuir depresiasaun 13,33% ho valor residual 20%. no folin depresiasaun $ 8.645 kada tinan sei hetan Folin depresiasaun $ 43.225 ba tinan 5. Signifika iha nia kontajem lolos, kareta prado refere, sei leilaun ho folin $ 21.775 laos $ 8.000, katak Membru parlametu, ema ida manipula $ 13775. (Atu hatene kontajem klaru, bele hare tabela iha leten).
Bazeia ba Anlize kontabilidade hirak ne'e, bele foti konkluzaun badak mida katak, Rezolusaun Parlamentu Nasional III Legislatura ba Leialaun Patrimonio estado (Leilaun Kareta Prado) konsideradu hanesan manipulasaun regra, konflitu interese ida ne’ebe maka nakonu ho diskriminasaun sosial, inklui mos viola prinsípiu luta ba libertasaun povu tanba la komunga prinsípiu efisiénsia ba utilizasaun património estado nian. (Korupsaun Legal).
Ho nune, hakerek nain sujere katak, laos manifestasaun deit maka sai alternativu ida hodi bele interven rezolusaun refere, signifika, Tribunál Kontas no Komisaun Anti Korrupsaun (KAK) mos iha kompetensia atu halo audit no investiga Membru Parlamentu Nasionál sira, relasiona ho sira nia rezolusaun ne’e hatudu momos ona katak, kontra Baze Legal Servisu de alienasaun nomos prosedimentu alienasaun inklui mos korupsaun legal ida ne'ebe hatudu katak, kada deputadu ida iha Parlamentu Nasional III Legislatura manipula $ 13775.
Hakerek Nain: Z-ray Vilela
0 komentar :
Post a Comment
Komentariu lao ho Etika