Nótisia
Prossesa...

Papito Monteiro hato'o Parabens ba Parpol 5 ne'ebe liu bareira ||Facebook


LOSPALOS NEWS -  EisSecretário de Estado do Desenvolvimento e cooperativas rurais iha IV Governo Constitucional Sehnor Papito Monteiro hato'o parabens ba  Partidus politikus  5 ne'ebe liu bareira 4% iha Eleisaun Parlamentar 2017-2002.

Liu hosi status Facebook, EisSecretário de Estado do Desenvolvimento e cooperativas rurais ne'e hakerek, "Parabens ba belun Parpol 5 neebe hetan lejitimidade politiku husi eleitores hodi ultra passa barreira 4% iha Elpar 2017".Satus refere hakerek iha loron 25 fulan jullu tinan 2007, maizumenus tuku 7:16 dader waihira STAE hasai rezultadu finan iha loron 24 kalan.

Antes tuir eleisaun, iha loron 22, EisSecretário de Estado ne'ebe assume kargu mos hanesan Vice Presidente partidu PSD ne,e mos hato'o nia obrigado ba povu Timor tomak nomos militante partidu PSD liu hosi via status Facebook, maizumenus tuku 11:07 dader, nia (Papito) hateten, obrigado wain ba esforsu , dedikasaun, kontribusaun, lealidade no simpatia ba PSD durante periodu kampana ElPar liu ba.

"Bomdia ba familia, colega, belun, militante no simpatisante PSD nomos povu tomak iha teritorio Timor Leste. Hau ata ho haraik an hakarak hato'o obrigado wain ba imi hotu nia esforsu , dedikasaun, kontribusaun, lealidade no simpatia ba PSD durante periodu kampana ElPar liu ba. Iha periodu neeba, karik iha lia fuan ruma naksalak, iha attitude ruma la simpatico no iha hahalok ruma la satisfatiriu nune'e halo imi hirus, laran kanek, triste, no taridu, hau ata husu desculpa boot husi hau fuan laran. 

Ohin loron Sabadu, 22 de Julho de 2017 ita hotu2 ezerse ita nia dever sivica no politiku hodi hakat ba sentru votasaun hodi hili ita nia representante ba Uma Fukun Parlamentu Nasional periodu 2017-2022. 
Espera katak ita hotu nia votu sei produz membru PN ne'ebe kualidade no membru Governu ne'ebe professional, kompetavel, responsavel, haraik an no nakonu ho domin ba povu." (Hakerek Papito iha Status Facebook).

Iha kontinuasaun, nia (Papitu) hakerek tutan, atu povu timor tomak preserva nafatin maturidade politiku no intelektualidade politiku hodi kontribui maximu ba estabilidade politiku no seguransa rai doben Timor Leste.

"Nudar lideransa no militante/simpatisante parpol konserteza ita hakarak i mehi atu hetan asentu parlamentar, maibe prosesu tomak ita intrega ba iha resultadu ElPar neebe lao namanas hela. Espera katak qualquer resultadu neebe mosu sei la afeta ita nia solidaridade hanesan colega, belun no familia, resultadu saida deit mak mosu sei la harahun ita nia amizade, fraternidade no unidade. Mai ita preserva nafatin maturidade politiku no intelektualidade politiku hodi kontribui maximu ba estabilidade politiku no seguransa rai doben Timor Leste."
"Qualquer jogu sempre iha nain ba manan no nain ba lakon, naran katak jogu refere lao justu, amizavel, fair no kredivel". 
Obrigado, BOM FIM DA SEMANA.
Viva Povu Timor Leste, Viva Juventude TL, Viva Demokrasia Timor Leste. ((Hakerek Papito iha Status Facebook).

ZRD01012013

Fahe ba Google Plus

Konaba Lospalos News

Lospalos News hanesan media ida ne'ebe eziste hosi ema Lospalos atu transmite informasaun sosial ba publiku no laiha interese ba kualker aspeitu ne'ebe iha relasaun ho osan. informasaun ne'ebe Lospalos News publika mai hosi fontes barak, ho intensaun atu publika tutan ba ema hotu ne'ebe presiza.
comments

0 komentar :

Enviar um comentário

Komentariu lao ho Etika