LOSPALOS NEWS - Partidu opozisaun ne'ebe hetan simpatia hosi lider Istoriku Xanana Gusmão nomos premiadu Nobel da Paz 1998 Ramos Horta iha governasaun FRETILIN (2001-2006) hasoru derrota iha eleisaun Parlamentar 2017. Tuir rezultadu apuramentu final Eleisaun parlamentar 2017, deskreve, PSD (Partido Social Democrata) hetan deit 0,83% ho 4.688 votus, ne'ebe tun pior liu kompara ho eleisaun parlamentar 2012 ne'ebe hetan 2,15 % votus. Iha Eleisaun ba Asembleia Konstituinte 2001, PSD (Partido Social Democrata) hetan 8,18 % ho 29.726 votus, no iha Eleisaun parlamentar 2012, hamutuk ho ASDT, PSD/ASDT hetan 15,73% ho 65.358 votus.Tuir lolos, PSD (Partido Social Democrata), hetan pursentu bo'ot duke eleisaun parlamentar 2012 ne'ebe hetan 2,15 % votus, maibe saida maka sai kauza hodi PSD hetan derrota maka'as iha Eleisaun parlamentar 2017?
Barreira 4%
Bareira 4% sai dezafiu bo'ot ida ne'ebe ataka PSD (Partido Social Democrata), depois de eleisaun parlamentar 2012, iha ne'ebe PSD la liu bareira 3% tamba hetan deit 2,15 % votus, PSD hase'es a'an hosi publiku, no militante PSD hotu, inklui mos sira ne'ebe iha loyalidade maka'as ba partidu PSD fahe malu hodi afilia ba partidu seluk ne'ebe sei ativu.
Numeru Partidus politikus iha Timor Aumenta
Numeru Partidus politikus iha Timor sai mos dezafiu bo'ot ida ba PSD, inklui mos prezensa PLP iha 2016, tamba durante iha prossesu politika partidu, so uniku partidu ne'ebe moderadu tebes hodi kontra mal governasaun maka PSD, ho nune'e, ema barak maka metin iha PSD, maibe wainhira PLP mosu, ema barak halai ba PLP tamba PLP kaer hosi figura ne'ebe maka iha lalatak veteranu no iha influensia maka'as.
Imagem governasaun
Durante governasaun periodu 2 ho durasaun tinan 10 ne'ebe lidera hosi CNRT ho figura lider Istoriku Xanana Gusmão, maske partidu barak maka inklina mos iha governasaun, maibe observasaun publika, (Povu) observa katak prossesu hotu-hotu CNRT maka halo. (Iha realidade utiliza mos Manual Programa PSD) maibe povu lahatene tan deit figuras CNRT nia influensia.
Influensia figura Lideransa PSD Minimu
Wainhira PSD hahu'u hari'i iha 2000, ema barak maka hare deit ba figura Mario Viegas Carrascalão, depois iha gerasaun tuir mai Papito Monteiro ho Joao Gonsalves, atraves de figuras hirak ne'e, laiha tan figura seluk ne'ebe bele influensia ema, ezemplu iha Lautem, Vikeke no Baukaun, militante PSD barak tamba figura Papito Monteiro ho Joao Gonsalves. (Munisipiu 3 refere, hu'un partido bo'ot sira, hanesan FRETILIN, CNRT no PD).
Lideransa Ai-kakeu
Depois de eleisaun parlamentar 2012, iha ne'ebe PSD la liu bareira 3% tamba hetan deit 2,15 % votus, lideransa PSD barak maka halai sai hosi PSD, ba CNRT tamba hakarak hetan kargu, iha governasaun.
Fundus Partidu Menus
Durante prossesu halao politika partidu, ate iha Kampanna, Fundus orsamentais partidu PSD menus tebes hodi halao politika partidu, ho nune'e iha baze, eis-militante PSD barak maka lahatene katak PSD ativu fila fali ona hodi kompete iha Eleisaun Parlamentar 2017, iha tempu eleisaun mos PSD laiha fundus hodi suporta transporte militante sira ba vota iha rejiaun resenseamentu eleitoral.
Iha mos kauza seluk ne'ebe influensia derrota PSD ne'e rasik, maibe ba hakerek nain, ladun importante atu esklarese, tamba sai kestaun bo'ot maka, Lideransa PSD barak maka sadere liu ba partidu CNRT nomos figura lider Istoriku Xanana Gusmão. Maibe lahatene katak PSD ne'e partido sentru moderadu, ne'ebe moderadu entre direita no eskerda, no waihira sadere liu ba partidu eh figura seluk sei impede estrategia politika PSD ne'e rasik, ambiente politika PSD automatikamente klot ka la luan.
"Nudar partidu ida tenki kaer metin vizaun no missaun rasik hodi halao politika, sadere fali ba partidu eh figura ne'ebe iha forsa, sei sama ita no dulas ita ba mai, ikus mai ita nia partidu mak sai vitima." (Lian simpatizante)
Konta deit oras hodi halao eleisaun, hanesan atividade ida ne'ebe la to'o 12 oras, maibe nia konsekuensia sei dulas ita ba tinan 5 tuir mai nia laran. PSD tenki simu realidade, espera katak bele hadia diak liu tan politika partidu iha Periodu tuir mai.
ZRD01012013
0 komentar :
Post a Comment
Komentariu lao ho Etika