TMR: ZEEMS Fakar Osan $400m Maibe Lori Terus Ba Povu

Vitima eviksaun rai iha RAEOA hasoru PDHJ

Manufahi, 24 Junu 2017

Iha kampaña ba loron lima nian iha Munisipiu Manufahi, Partidu Libertasaun Popular (PLP) halibur apoiante sira hodi hato’o programa partidu nian.

Iha oportunidade ne’e Prezidente PLP, Taur Matan Ruak deklara katak tempu ona atu halo mudansa no mudansa tenke hahú agora, la iha ona tempu atu hein tan. Tuir Prezidente PLP katak Timor-Leste presiza mudansa tanba durante governasaun tinan hirak nia laran ne’e osan fakar de’it ba munisipiu ida ka rua.

“ZEEMS ne’e iha de’it tinan tolu nia laran gasta ona osan $400 juta maibé lori terus ba povu Oecusse” Taur Matan Ruak deklara.

Taur hatutan: “Kuandu Maun Lu lakon iha Oecusse hau dehan imi Oecusse oan sira ne’e bulak karik, ema lori osan barak mai mas imi lakohi nafatin, sira dehan ZEEMS ne’e lori terus de’it mai ami tanba badaen mós lori husi Indonézia maka mai.”

Entretantu durante komísiu iha Munisipiu Bobonaro Adjuntu Sekretariu Jeral FRETILIN, Jose Reis reklama katak ZEEMS nudár trunfu bot ida ba FRETILIN no hatudu katak FRETILIN bele lori povu sai husi kiak no mukit.

Tuir observasaun mídia ne’e apoiante Partidu Libertasaun Popular louva tebes Prezidente PLP nia intervensaun kona-ba projetu ZEEMS ne’ebé sira konsidera la justu tanba abandona hela munsipiu sira seluk.

Hafoin remata kampaña polítika iha munisipiu Manufahi, Partidu Libertasaun Popular kontinua hala’o kampaña iha Munisipiu Ainaro, enkuantu Partidu FRETILIN kontinua kampaña iha Munisipiu Ermera.

PLT/DILI

Le Mos: Dr. Mari alkatiri labele ko’alia arbiru kona ba tusan

Share to Google Plus

About Lospalos News

Lospalos News hanesan media ida ne'ebe eziste hosi ema Lospalos atu transmite informasaun sosial ba publiku no laiha interese ba kualker aspeitu ne'ebe iha relasaun ho osan. informasaun ne'ebe Lospalos News publika mai hosi fontes barak, ho intensaun atu publika tutan ba ema hotu ne'ebe presiza.