“Área konflitu hanesan iha Comoro, Bebonuk no séluk tan, presiza toma atensaun hosi autoridade lokál sira hodi sérvisu hamutuk ho séguransa atu iha problema ruma presiza kooperativu atu momentu importante saida de’it bele iha estabilidade,” Komandante Jerál Julio Hornay informa ba Jornalista sira iha Ótel, Ramelau, Tersa (06/06).
Atu asegura seguransa liu-liu tempu elisaun Hornay husu ba autoridade lokál sira atu kontrola no konvensé inklui halo sosializasaun ba komunidade sira atu labele halo problema.
Bainhira mosu konflitu aútoridade lokál sira tenki hatene sé mak halo problema no se-se mak involve iha problema.
Aleinde ida ne’e, aútoridade lokál mós tenki kontrola ema oin foun sira ne’ebé tama iha bairo laran, nune’e problema ruma kuandu akontese iha fatin ida, autoridade lokál tenke hatene joven ne’ebé mak involve hodi lori ba eduka sira atu sai ema ne’ebé di’ak, maibé bainhira laiha kooperasaun entre autoridade sira oinsa mak bele aségura páz no estabilidade.
Ba komunidade Hornay husu ba sidadaun hotu atu hadomi nia rai, hadomi nia moris fatin no hela fatin atu kontribui no apoiú seguransa ba estabilidade no páz iha nasaun Timor-Leste.
Nu’udar sidadaun ne’ebé hadomi rain rasik tenki hamutuk hodi informa ba malu kuandu joven balun involve problema.
“Presiza kontribuisaun sidadaun hotu nian atu aségura páz no estabilidade iha eleisaun parlamentár,” Julio da Costa Hornay husu.
TATOLI
0 komentar :
Post a Comment
Komentariu lao ho Etika