Partidu Trabalhista Latuir Elpar, Reforsa BUP 2017

Partidu Trabalhista hanesan partidu antigu neebe eziste iha Timor Leste, deside-an sei lapartisipa iha Eleisaun Parlamentar (Elpar) tinan ida nee, no sei reforsa deit partidu Bloku Unidade Popular (BUP).

Tuir Prezidente Partidu Trabalhista, Angela Freitas katak, partidu Trabalhista latuir eleisaun tanba numeru eleitores neebe mak kiik ho populasaun 1.7 miloens no partidu politiku barak, deside-an reforsa Bloku Unidade Popular (BUP).

Partidu Trabalhista latuir eleisaun,ami hasai desizaun atu reforsa Bloku Unidade Popular,” dehan Angela liu husi konferensia imprensa neebe halao iha Sede Nasional Partidu Trabalhista, Bairo Formosa-Dili, Tersa (06/06/2017).

Angela haktuir, razaun reforsa BUP tanba sira iha forsa politika kompostu husi partidu PMD, PDRT no PLPA no mos sira intelektual politika, profisional neebe iha rekursu neebe sufisiente atu kaer ukun.

Iha fatin ketak, Reprezentante Programa Oficer AJAR, Inocencio Xavier dehan, partidu politiku sira direitu tomak halo koligasaun antes eleisaun no mos depois eleisaun. Raimundo Sarmento Fraga

Suara Timor Lorosae

Share to Google Plus

About Lospalos News

Lospalos News hanesan media ida ne'ebe eziste hosi ema Lospalos atu transmite informasaun sosial ba publiku no laiha interese ba kualker aspeitu ne'ebe iha relasaun ho osan. informasaun ne'ebe Lospalos News publika mai hosi fontes barak, ho intensaun atu publika tutan ba ema hotu ne'ebe presiza.