“Prosesu negosiasaun seidauk iha desizaun finál no seidauk iha dokumentu ida mak asina, kuandu iha dokumentu pretu branku ida mak mak bele dehan katak sosa duni no faan duni”, Diretór Jurídiku no Relasaun Institusionais TT, Manuel Cárceres da Costa ba Ajénsia TATOLI iha nia kna’ar fatin Timor Plaza Pizu 4, segunda (5/6).
Nia dehan tan prosesu negosiasaun fofoun, tuir OI Brazil proposta emprezáriu timoroan Abilio Araújo nia mak di’ak liu entre proposta tolu. Proposta tolu ne’e mai husi Fundu Fiji, Abilio Araújo husi grupu Investel Comunication no Nilton Gusmão husi grupu ETO.
Parte boot husi Kapitál TT pursentu 54,01, kontrola husi sosiedade Telekomunikasaun Públiku Timor nian (TPT – Telecomunicações Públicas de Timor) ne’ebé parte seluk OI Brazil kontrola pursentu 76 husi kapitál ne’e no hamutuk ho PT Participações SGPS ne’ebé iha partisipasaun kapitál pursentu 3,05.
Asionista seluk husi TPT mak Fundasaun Harii – Sosiedade dezenvolvimentu Timor-Leste ne’ebé iha ligasaun ho Diozese Baucau kontrola pursentu 18 no Fundasaun Oriente pursentu neen.
Entretantu, kapitál TT fahe entre TPT (54,01%), Estadu Timor (20,59%), empreza VDT Operator Holdings iha Makau (17,86%), no emprezáriu timoroan Júlio Alfaro (4,49%).
Antes ne’e, OI Brazil ne’ebé iha kapitál boot iha TT, fó sai katak atu faan partisipaun kapitál iha TT. Foin lais ne’e, proposta husi grupu Investel Comunication halo akuizisaun partisipasaun direta ne’ebé atu partisipa iha TT ho valór osan US$36 milloens, proposta ne’e inklui ona ho pagamentu dívidas TT ho empreza grupu OI Brazil ho valór US$26.
TATOLI
0 komentar :
Post a Comment
Komentariu lao ho Etika