Mensajen Estudu ba FHTL (DISKUSAUN)

Hanesan ita koa'lia iha Uma;

Ha’u hatene Forsa Humanista Timor-Leste “FHTL”, ha’u hatene mos saida mak FHTL hakarak, vizaun FHTL atu lori Sosiedade Timor ba ne’eb’e, maibé dalaruma, sira rasik lahatene-an katak sira ne’e-sé, no atu halo saida, atu ba ne’ebé no hatur sosiedade saida?

Humanisme la’os ideolojia, humanisme ne’e perspetiva filijofia ba norma etikal umanidade, no Volutarizmu ne’e termu ida ba asaun voluntariu ida, la’os espesifiku ba asaun sein-fins lukrativu de’it no  la’os de’it espiritu ida atu fó-an de’it ba servisu ida sein obtém vantajen no benefisiu ida, maibé voluntarizmu ne’e prinsipiu movimental ida ba movimentu ida nia funsaun atu sai vanguarda ba povu oprimidu iha kontestu luta ba klase sosial. Tanba ne’e iha  Humanisme Marxista, ne’ebé iha nia esforsu hodi luta ba umanidade sein kompromi hodi kontra esploitasaun. Esforsu Marxisme ida ne’e ho objetivu atu atu atinze kondisaun sosial ida ne'ebé garante alegria umanidade, katak buat hotu ne'ebé ho forma esplorasaun ba valor umanidade, tenke hamoos husi mundu ida ne’e. FHTL keta hanoin sala kona-ba Humanisme Marxista, tanba Humanisme Marxista la prioritiza norma etikal umanidade, nunka promete atu fó kontenti ba ema ida de’it, Humanisme Marxista só promete atu hamoos emelemtu ne’ebé hamosu tristeza invidual ne’ebé afeta ba vinkulasaun entre individu ho sosiedade. Presiza mos hatene liu tan katak,, Humanisme Marxista, ne’e radikal no militan tanba iha pratika, katak la’os idealis de’it maibé la’o duni iha vida sosiedade real. No atu atinze vizaun sira ne’e mak, liu-husi Komunizmu. Tanba fila ba hanoin antes, Humanizmu la’os ideolojia.

Iha okos mai ne’e, referénsia kiik-oan ida atu hatene lolos saida mak Komunikasaun Humanizmu;

Trabalho Estudu husi Aluna Semestre 5 ida iha UNTL ne’ebé hetan apoiu elaborasaun husi ha’u rasik, no karik relevante atu públika hodi kolega sira iha FHTL bele intende di’ak liu, mezmu antes ne’e lee ka estuda ona iha fatin seluk ho forma ketak ida, maibé la signfika lee hikas hodi komprende iha hakerek sira okos mai ne’e sala.

Z-Ray Vilela

Teoria Komunikasaun Humanisme

Komprensaun Jerál Komunikasaun

Universalmente Komunikasaun define nu’udar prosesu ida, iha ne'ebé ema ida ka liu, grupu, organizasaun ka sosiedade ida kria, no utiliza informasaun atu bele interligadu ho ambiente no ema seluk. Iha konseitu jerál, komunikasaun estabelese ho forma lisaun ka verbal ne'ebé bele komprende husi parte rua ne'ebé fahe informasaun ba malu. Bainhira laiha língua verbal ida ne'ebé komprende husi parte rua ne'ebé komunika ba malu. Komunikasaun mos bele utiliza karaterístiku isin no hatudu atitude determinante balun, hanesan hamnasa, doko ulun, hasae kabas no seluk tan. Meiu ida ne’e hanaran komunikasaun ho língua não-verbal. Komunikasaun mos define nu’udar prosesu tranzmisaun informasaun (Mensajen, ideia no aspirasaun) husi parte ida ba parte seluk.

Teoria Komunikasaun

Teoria komunikasaun nu’udar vizaun no estratéjia ne'ebé sei forma ferramenta no estrutura servisu algo ida ne'ebé sei implementa.  Iha prosesu komunikasaun, teoria sei promove forma no regra komunikasaun ne'ebé sei halo. No liu husi hakerek ne’e duni mak esplikasaun kona-ba teoria komunikasaun hatur. Ho nune’e, kada ajente komunikasaun ezekuta asaun haat: forma, tranzmite, re-sebe no prosesa mensajen. Asaun haat refere sei hamosu sekuénsia tui-tuir malu. Forma mensajen ida signifika kria ideia ka aspirasaun ida. Ida ne’e akontese iha ema ida nia kakutak liu husi prosesu funsionamentu sistema nervozu. Mensajen ne’ebé forma ona sei tranzmite ba ema seluk. Portantu, diretamente ka indiretamente. Forma no manda mensajen, ema ida sei simu mensajen ne'ebé hato’o husi ema seluk.

Tuir akordu Borman (1989), Teoria komunikasaun nu’udar liafuan ida/termu ida ne'ebé hakotu (Paying) ba desizaun hotu-hotu no análize ne'ebé halo ho kuidadu, sistemátiku no konxientemente kona-ba komunikasaun. Enkuantu, tuir akordu LittleJohn (1996), Teoria komunikasaun katak teoria ida mesak ka akumulasaun (Pensamentu Koletivu) ne'ebé obtein husi teoria tomak ne'ebé interligadu ho prosesu komunikasaun. Iha parte seluk, Teori komunikasaun nu’udar teoria ne'ebé utiliza hanesan ferramenta hodi argumenta no ha-kle’an, esplika , avalia, halo previzaun ho hanoin atu kompriende fenomena komunikasaun. Akordu ne’e hasai husi Saodah Binti Wok Awang no Narimah binti Ismail.

Teoria Komunikasaun Humanisme

Teoria Komunikasaun konsiste teoria lubun balun no oin-oin ho definisaun no funsionamentu diferente, iha ne’e hatur mos Teoria Humanisme nu’udar parte ida husi Teoria Komunikasaun. Parte ida husi Teoria Humanisme mak Teoria husi McNeil (1977), iha ne'ebé iha lian inglés dehan “In many instances, communicative language programmes have incorporated educational phylosophies based on humanistic psikology or view which in the context of goals for other subject areas has been called ‘the humanistic curriculum” signifika, teoria humanisme iha ensinu língua, implementa ona iha kurríkulu ensinu língua ho termu kurríkulu humanistisku, (Humanistic curriculum), ne'ebé aplika iha Norte Amerika iha final Tinan 1960 no inisiu 1960. Teoria ida ne’e énfaze iha divizaun supervizaun no responsabilidade koletiva entre alunu hotu-hotu. Humanistic curriculum ida ne’e énfaze ba  mentalidade, sentimentu no komportamentu alunu sira, liga ho matéria ne'ebé hanorin ba nesesidade bázika no nesesidade moris alunu sira. Teoria ida ne’e konsidera katak kada alunu hatur nu’udar objetu ensinu ne'ebé iha razaun diferente ba aprendizajen língua. Objetivu husi teoria ida ne’e mak atu hasae kapasidade alunu sira nian atu bele dezenvolvidu iha sosiedade nia leet. Iha lian ingleza dehan  “The deepest goal or purpose is to develop the whole persons within a human society.” (McNeil,1977).

Teoria Humanisme iha Konseitu Edukasionál

Teoria Humanisme nu’udar parte ida husi teoria ne'ebé hatur iha teoria edukasaun no dixiplina siénsia edukasionál. Teoria Edukasionál nu’udar vizaun ka akumulasaun ideia bázika edukasaun ne'ebé idealiza no hatur ho forma sistema no konseitu husi aplikasaun enkuadramentu legal.

Tuir akordu Mudyaharjo (2002:26), esplika, katak Teoria Edukasionál nu’udar vizaun no akumulasaun ideia bázika edukasaun ne'ebé hatur iha sistema no konseitu ida. Edukasaun nu’udar sistema ne'ebé konsiste iha signifika ba grupu determinante balun ne'ebé iha  relasaun espesiál no vice-versa no iha informasaun. Aleinde ne’e, edukasaun mos bele define nu’udar komprensaun signifikante, oinsá prosesu edukasaun ne’e implementa no pratika mak nu’udar implementasaun edukasaun ho forma konkretu (Realidade).

Husi definisaun sira ne’e, bele foti konkluzaun ida katak, Teoria Edukasionál nu’udar akumulasaun konstrutivu, konsetuál, definitiva, argumentar, no proporsaun kona-ba meiu muda atitude no komportamentu ema ida iha vizaun atu atinze umanidade ne'ebé justu no sivilidade, aleinde ida ne’e iha teoria edukasionál oferese manual ida ba pratika edukasaun no iha funsaun hodi deskreve, esplika, no halo previzaun ba aspetu hotu ne'ebé iha edukasaun nia laran.

Enkuantu, Teoria Humanisme nu’udar konseitu aprendizajen ne'ebé hare liu ba aspetu dezenvolvimentu personal umanidade. Fokaliza ba poténsia umanidade hodi buka no hetan kapasidade ne'ebé sira iha no dezenvolve kapasidade refere. Teoria humanisme mos adota barak liu prinsípiu progresivu no obtein estipulasaun husi existensialisme, ne'ebé konsiste sentralizasaun juvenil, papél profesor ne'ebé la autoritáriu, fokaliza ba sujeitu ensinu ne'ebé inkilina ativu, no elementu edukasaun kooperativu no demokratiku. Signifika, teoria humanisme katak fokaliza ba komportamentu umanidade. Aleinde ida ne’e, teoria edukasionál humanistisku nia atitude fó importánsia liu konteúdu husi aprendizajen husi prosesu ensinu ne’e rasik. teoria edukasionál ne’e rasik barak liu ko’alia kona-ba konseitu edukasaun hodi forma ema ne'ebé ha-mehi ba ho objetivu atu halo ema sai ema lolos inklui prosesu aprendizajen ne'ebé ho forma ideal liu. Signifika, halo ema sai ema lolos katak komportamentu ema nian determina husi ema ne’e rasik no iha kompriensaun hodi  hasoru ambiente no nia-an rasik.

Teoria Edukasaun Humanisme

Tuir teoria humanisme, objetivu husi ensinu ka edukasaun mak atu halo ema sai ema lolos. Prosesu edukasaun sei konsidera susesu baihira estudante refere kompriende nia ambiente no nia-an rasik. teoria aprendizajen ida ne’e koko atu koñese komportamentu estudante husi parte atitude autór rasik, laos husi parte observador. Ho nune’e iha akordu Rogers, prosesu ne'ebé importante liu iha aprendizajen mak importánsia profesor atentar prinsípiu edukasaun no ensinu, mak hanesan:

1. Sai ema, signifika iha forsa ne'ebé rasional hodi estuda. Alunu labele estuda buat ne'ebé laiha signifikante.

2. Alunu sei estuda buat ne'ebé iha vantajen ba nia-an. Organizasionál-idade matéria estudu, signifika organiza matéria no ideia foun ne'ebé signifikante ba alunu rasik.

3. Organizasionál-idade matéria estudu, signifika organiza matéria no ideia foun ne'ebé signifikante ba alunu rasik.

4. Estudu ne'ebé signifikante iha sosiedade modernu signifika estuda kona-ba

Pensamentu Adisional Hakerek na’in:

Pensamentu Humanisme (Antropologia) Marx

1.      Natureza Umana

Iha pensamentu Marx, Marx utiliza konseitu lubuk ida hodi esplika umanidade. Nia hateten, naturalmente ema nu’udar kriatura ne'ebé independente, no konsiste hakarak no nesesidade. Nia hatutan katak, tanba naturalmente ema nu’udar  kriatura ne'ebé independente, no konsiste hakarak no nesesidade, tanba ne’e iha sai trabalhador (Worker) no Produtór (Producer) husi buat hotu atu satisfás nia hakarak no atende nia nesesidade. Aleinde ne’e, ema mos nu’udar kriatura rasional, moral, no kriatura kriativu, iha ne'ebé nia kria rasik nia atividade sira.

2.      Umanu no Nia Servisu Sira

Tuir Marx, servisu nu’udar atividade fundamental. Servisu nu’udar instrumentu ida hodi kria identidade rasik. iha ne’e, interpretasaun Marx konsiste iha razaun tolu. Primeiru, liu husi servisu mak ema bele objektifika nia-an hodi bele koñese husi sosiedade. Segundu, ho servisu mak ema bele koñese-an, inklui atinze nia abilidade sira no espresa nia liberdade hanesan na’in ba natureza no bele dezenvolve natureza tuir nia hakarak. Terseiru, liu husi servisu mak ema bele hare nia-an husi nia obra refere, no bele valoriza no tane-aas.

Ligadu ho Pensamentu Humanisme (Antropologia) Marx iha pájina ikus, hakerek na’in kok atu lori Karl Marx nia ideia ida hodi loke hanoin katak, humanisme nu’udar ideia seluk husi ideia Marxisme, atu hatene di'ak liu tan, tuir mai ita hamutuk livru Marx.

Humanisme, Parte Seluk husi Ideia Marxisme

Durante ne’e, iha sírkulu sosiedade, ema barak mak hare Marxisme nu’udar doutrina Materialistis ne'ebé soke doutrina Relijiaun. Ho nune’e, ema hotu presiza no dala barak taka-an liu ba doutrina refere. Inklui grupu Anti-Marxisme ne'ebé hatur vingansa ba ideolojia refere moris prósperu iha mundu tomak, inklui sosiedade Timor-Leste.

Perspetiva negativu refere akontese tanba hare doutrina Karl Max husi parte ida de’it . dala barak ema hotu so hare no komprende ideia Marx antiga, hanesan hatur iha nia livru ikus sira. Afinál, aleinde ateistisku ka lae, vizaun Karl Max, nia mos nu’udar ema ne'ebé tane-as valor umanidade. Sírkulu Anti-Marxisme no Pro-Marxisme, dala barak haluha katak, iha doutrina Marx nian ne'ebé importante tebes mos, mak ideia ne'ebé bain-bain hanaran Nova ideia Marx  . entre ideia Marx ne'ebé mos liu mak, Economic and Philosophical Manuscripts, ideia ida ne'ebé hakerek husi Marx iha Paris iha 1844. Iha Nova ideia Marx, mak ita hasoru figura Karl Marx ne'ebé sai hanesan filózofu humanista.

Nu’udar Pensador prinsipal ida, Marx iha nia ideia dahuluk hatur katak  administrasaun sosial hotu-hotu tenke dirije tuir evolusaun umana. Marx mos hateten katak, umanidade tenke nafatin sai objetivu, no labele sai de’it  instrumentu. Embora, umanidade mos tenke iha kapasidade atu hadi’a-an iha istória nia laran.

Humanisme Marxista, sai mos iha nia esforsu hodi luta ba umanidade sen kompromi hodi kontra esploitasaun. Saida mak esforsu Marxisme, mak atu atinze kondisaun sosial ida ne'ebé garante alegria umanidade. Ho nune’e, buat hotu ne'ebé ho forma esplorasaun ba valor umanidade, tenke hamoos husi mundu ida ne’e. Maski nune’e, ideia kona-ba humanisme, Marxisme nunka promete hodi fornese alegria ema ida, maibé humanisme Marxisme promete atu hamoos elementu ne'ebé afeta hodi hamosu tristeza individual.

Presiza hatene katak, Humanisme Marxisme, aleinde ho forma radikal no militan, ho forma mos prátiku. Signifika, Marxisme la ko’alia de’it  kona-ba ideia umanidade, maibé realiza iha vida real sosiedade. Realizasaun ida ne’e hatudu momoos iha komunisme. Entaun, komunisme mak hatudu realidade hodi esforsu atu hamosu no atinze umanidade ne'ebé idealiza husi Karl Max.

Ba ema hotu ne'ebé komprende no koñese katak Marxisme ne’e doutrina Anti-Maromak, presiza lee livru ho Títulu “MARX MUDA: MARXISME BERWAJAH MANUSIAWI” hodi nune’e labele monu ba perspetiva negativu kona-ba doutrina Marx.

 

Livru ne’e iha Biblioteka Movimentu Leitura ba Transformasaun Sosial (M.LETRAS), fatin, Luta, Hamutuk, Farol-Dili.

Lé Mos: Kapitalizmu Juizu Final ba Umanidade

Share to Google Plus

About Lospalos News

Lospalos News hanesan media ida ne'ebe eziste hosi ema Lospalos atu transmite informasaun sosial ba publiku no laiha interese ba kualker aspeitu ne'ebe iha relasaun ho osan. informasaun ne'ebe Lospalos News publika mai hosi fontes barak, ho intensaun atu publika tutan ba ema hotu ne'ebe presiza.