Lospalos News, Iraonu - Iha sexta Feira semana ne'e, Loron 28/07/2017 Amo Bispo Diocese Baucau, Dom Basilio do Nasimento inadvertidamente halo vizita ba kapela São José Pitileti, Suco Com, Posto Administrativu Lautem, Munisipiu Lautem.
Vizitasaun ida ne'e sai hanesan vizitasaun dahuluk Amo Bispo nian iha rai Pitileti, maske rai Pitileti sai uniku aldeia ne'ebe igreja katolika loke Kapela ba iha tempu kolonizasaun portugues, ho nune'e tuir Pitileti oan sira, vizitasaun ida ne'e marka historia bo'ot ida, katak prezensa Igreja Katolika iha Timor tinan rihun ba rihun ona, maibe pela primeira vez amo bispo diocese ida nia ain kona rai pitileti.
Iha vizitasaun ne'e, Amo Bispo Diocese Baucau, Dom Basilio do Nasimento hateten, nia objetivu ba vizita ne'e rasik maka atu halo ka hadia Kapela São José Pitileti, sai diak liu tan. Vizitasaun ida ne'e mos akompanha hosi Organizasaun Internasional balun.
Waihira hasoru malu ho autoridades lokais iha fatin refere, Amo Bispo Diocese Baucau, Dom Basilio do Nasimento husu ba Sarani Pitileti atu tau hanoin hamutuk hodi deside fatin no halo Desenju hodi entrega ba Amo bispo antes tinan foun ka entrega iha fulan Desembru tinan ida ne'e, atu nune'e iha tinan foun, bele halo ona ka hadia ona Kapela São José Pitileti.
Tuir plano, autoridades lokais iha fatin refere sei konvoka reuniaun ida ho komunidade eh sarani sira iha fatin refere hodi bele desidi na fatin ba kontrusaun Kapela ka Igreza refere.
Iha parte seluk, Amo Bispo Diocese Baucau, Dom Basilio do Nasimento agradese ba kreatvidade no espiritu mos juventude Pitilti ne'ebe. konsege hari'i ona Kruz tolu, Estatua São José nomos santuario, maske Amo Bispo la konsege vizita rezultadu kreatividade juventude ne'ebe iha.
ZRD01012013
0 komentar :
Post a Comment
Komentariu lao ho Etika