Profesor portugés sira iha Timor-Keste lahó komplementu saláriu hahú hosi inísiu tinan nian

Profesor portugés sira ne'ebé iha daudaun Timor-Leste ne'ebé hanorin iha eskola sira referénsia nian no profesor sira no funsionáriu timoroan sira hosi projetu hanesan agora daudaun la simu komplementu saláriu hahú hosi fulan-Fevereiru, hatete hosi dosente oioin ba Lusa.

Hanesan ho akontesimentu iha pasadu ne'ebé maka Governu timoroan promete katak iha ona dalan foun sira hodi evita atrazu, seidauk seluk komponente saláriu ruma ba profesór sira hahú hosi inísiu tinan letivu nian.

"Hanesan situasaun ida ne'ebé labele aseita. Tinan-tinan hanesan. Oinsá maka iha nafatin atrazu maka'as", kesar ida ne'ebé hato'o hosi dosente ida ne'ebé lakohi fó sai identidade.

"Ami to'o iha fulan-Fevereiru no hahú tempu ne'abá ami seidauk simu buat ida. Projetu ida ho tinan hitu no parese katak hosi tinan ida ba tinan seluk sai aat iha termu sira lideransa nian no konsiderasaun hosi parte Governu portugés no timoroan nian", hatutan hosi dosente seluk.

Dosente ida explika ona katak profesor sira hetan informasaun ohin hosi kordenasaun projetu nian katak atrazu ne'e akontese tanba "burokrasia no prosedimentu sira seluk", hodi klasifika explikasaun hanesan "deskulpa hosi ema sira ne'ebé selu ladi'ak".

"Ami hotu serbisu nafatin ho profisionalizmu no empeñu maka'as. Maibé ordenadu sai nafatin hanesan problema ida", nia afirma.

Porta-vós ida hosi ekipa kordenasaun ba projetu sira explika ona ba Lusa, hafoin insisténsia hodi explika situasaun, tuir karta, katak antesipa ona katak "pagamentu sira sei akontese iha fulan-Juñu", maibé la hatete loloos katak sei selu valor sira ne'ebé iha atrazu ka la'e.

Paulina de Jesus explika ona iha email ne'ebé haruka ba Lusa katak "prosesu hodi selu komplementu remuneratóriu sira no subsídiu sira seluk ba dosente portugés sira hosi Projetu CAFE iha Ministériu Edukasuan nian laran hahú kedas bainhira profesór sira to'o iha Timor-Leste, iha fulan-Fevereiru".

"Maibé, falta hosi kontratu orijinal sira koperasaun nian no anexu ne'ebé asina duni hosi autoridade na'in tolu impede ona kontinuidade hosi prosesu pagamentu nian. Dokumentu orijinal sira to'o ona iha Timor-Leste iha fulan-Abril ba rekolla hosi asinatura sira seluk", nia hatutan.

Dokumentu orijinal oioin ho asinatura nesesáriu sira aneksa ona ba proposta sira pagamentu nian, tuir prosedimentu normal sira iha Timor-Leste iha loron 28 Abril, nia hatete.

Ofisial hosi lojístika projetu nian refere ona katak hahú loron 28 Abril iha esforsu ida hosi Ministériu Edukasaun tomak hodi aselera prosesu pagamentu nian, ho reforsu hosi ekipa traballu ho elementu sira hosi gabinete Projetu CAFE nian".

Tinan-tinan projetu ne'e hetan beibeik problema sira, aula hahú tarde liu, iha tinan ne'e no mós iha tinan liubá, iha mós atrazu hosi Portugal hodi haruka profesor sira.

Protokolu ne'ebé hanesan baze hodi haruk profesor sira haruka ba Timor-Leste hatete katak aleinde saláriu ne'ebé selu hosi Portugal, profesor ida-idak sei simu hosi Governu timoroan, fulan-fulan, osan dolar 1.000 hanesan ajuda iha kustu sira, nune'e ho total dolar 100 resin ba tinan-tinan ne'ebé sira serbisu iha nasaun ne'e.

Profesor sira iha Díli simu komplementu adisional ida ho dolar 600 ba uma no sira ne'ebé maka hela iha distritu sira hela iha uma sira ne'ebé maka fó hosi autoridade timoroan sira.

SAPO TL ho Lusa

Share to Google Plus

About Lospalos News

Lospalos News hanesan media ida ne'ebe eziste hosi ema Lospalos atu transmite informasaun sosial ba publiku no laiha interese ba kualker aspeitu ne'ebe iha relasaun ho osan. informasaun ne'ebe Lospalos News publika mai hosi fontes barak, ho intensaun atu publika tutan ba ema hotu ne'ebe presiza.