 |
| Reprezentate Estudante Universitariu UNTL submete Karta pareser liu husi komunikadu emprensa iha liceu dili |
Dili, LNews: Universidade Nasional Timor Loronsa'e (UNTL), dadauk ne'e estabelese seremonial graduasaun ba dala 17 ne'ebe realiza iha loron 31 fulan maiu tinan 2017 iha CCD-Timor Leste.
Antes seremonial graduasaun ba dala 17 ne'e realiza, administrasaun Reitoradu UNTL liu hosi despaisu Reitor no despaisu Dekano ba juridisiariu (Yuridisium) hasai lista graduadus nomos lista kolokasaun estagiadus ba publiku, no lista hirak ne'e taka sai iha fulan novembru tinan 2016 nia laran.
Wainhira lista hirak ne'e taka sai, hamosu presepsaun negativa hosi Reprezentate Estudante Universitariu UNTL tamba deskonfia iha iregularidade no manipulasaun (Krime Akademiku) tamba iha alunu nain 3 ne'ebe Seidauk iha direitu atu hetan Karta livre teoria (valor estajiu Seidauk sai) no sei iha prosesu estajiu hela maibe sira iha ona titulu lisensiatura, kazu ne'e akontese iha Akademia UNTL, ba graduasaun fulan novembru tinan 2016 nian iha fakuldades determinates balun.
Ho nune'e, antes Akademia Universidade Nasional Timor Loronsa'e (UNTL) estabele seremonial graduasaun ba dala 17 ne'ebe realiza iha loron 31 fulan maiu tinan 2017, Reprezentate Estudante Universitariu UNTL halo investigasaun internal hodi deskobre no hasai estatementu katak, iha duni iregularidade no manipulasaun (Krime Akademiku) ba graduadus Akademia UNTL fulan novembru tinan 2016 nian.
Iha loron 9 fulan fevereiru tinan 2017, parte Reprezentate Estudante Universitariu UNTL submete Karta pareser ba parte kompetente hodi buka rezolusaun ba kazu refere liu hosi prossesu, Kria team investigasaun ba kazu refere no Toma medida ba Dir. Departementu no dosente orientasaun akademia tuir lei ne'ebe vigora hela nasaun RDTL.
Hafoin hein durante fulan haat, sem notifikasaun eh karta resposta ruma hosi parte kompetente, no to'o ikus, iha loron 2 fulan maiu tinan 2017, Reprezentate Estudante Universitariu UNTL realiza tan komunikadu emprensa iha liceu oin hodi rekomenda ba parte sira hanesan komisaun F Parlamentu Nasional, Ministeriu Edukasaun nomos orgaun kompetetnte UNTL rasik.
Iha pontus 4 ne'ebe Reprezentate Estudante Universitariu UNTL hasai iha komunikadu emprensa ne'ebe realiza iha liceu oin, loron 2 fulan maiu tinan 2017 maka hanesan:
1. Iregularidade no manipulasaun (Krime Akademiku) ne'ebe akontese iha Akademia UNTL ba graduasaun fulan novembru tinan 2017 ne'e konsidera krime AKADEMIKU Organizadu ne'ebe tenki hetan tratamentu seriu husi Fakuldade, Universidade no Ministeriu Edukasaun rasik, hodi labele prejudika prosesu dezenvolvimentu setor edukasaun iha nasaun RDTL.
2. Rekomenda ba Uma fukun Parlamentu Nasional, liu-liu komisaun F Parlamentu Nasional atu halo investigasaun ba kazu refere tuir lei ne'ebe vigora nasaun RDTL.
3. Rekomenda ba Universidade (UNTL) atu trata civitas akademikas hotu ho neutru no imparsial atu nuneee labele mosu iregularidade iha futuru.
Entretantu, Estudante universitariu UNTL Arcanjo Mosil iha nia pagina facebook, hateten "Iha prinsipiu tinan nee (2017) hamutuk ho klg hirak seluk investiga kazu refere liu husi lista graduadus novembru 2016(despacho reitor), despacho dekano ba yudisium No lista kolosaun estajiadus 2016. Husi investigasaun nee hatudu resultadu pozitivu tebtebes( iha duni iregularidade No manipulasaun hirak nee)", no Reprezentate Estudante Universitariu UNTL nafatin espera katak kazu refere bele hetan tratamentu seriu hosi orgaun kompetente, Fakuldade, Universidade no Ministeriu Edukasaun tantu mos komisaun F Parlamentu Nasional.
 |
| Pagina Facebook Arcanjo Mosil |
0 komentar :
Post a Comment
Komentariu lao ho Etika