Xefe Koordenasaun FHK Pascoal Suri Mali hatete produtu liu prazu husi kompañia nian voluntariamente koordena no entrega ba Autoridade Inspesaun no Fiskalizasaun Atividade Ekonómika, Sanitária no Alimentár (AIFAESA) tanba hatene ona regra sira.
“Sasán uitoan ami tau hamutuk tanba ami iha sistema ida atu destroe sasán, ami hanesan distributór, la’ós hanesan kios, loja ki’ik, ohin ita hetan destroe kedan maibé ami-nian tenke halo hamutuk, konta, ekipa akuntabilidade haree lai, halo relatoriu ba kompañia nia na’in no ba fábrika hafoin mak ami halo destruisaun,” Pascoal informa ba TATOLI iha Tibar bainhira halo destruisaun sasán, ohin.
FHK Group mos sei selu koima, tanba komete infrasaun, maibé kompañia promete atu hadi’a sistema negosiu atu la bele hanoin de’it negósiu, maibé hanoin kompradór no konsumidór sira.
Meuis ida mak empreza FHK Group hanesan Lider, Lita no Lisung koopera ho AIFAESA hodi kontinua serbisu hamutuk iha inspesaun hodi kontrola sasán.
Koordenadór AIFAESA, Abílio Oliveira Serano hatete ho destruisaun ne’e, atu fó atensaun ba estabelesimentu (loja) hotu-hotu hodi haree didi’ak produtu sira tanba produtu mai husi liur lakleur liu prazu ona.
Maski FHK Group kolabora ho AIFAESA maibé lalivre husi multa tuir Dekretu Lei ne’ebé determina.
“Sira-nian ne’e boot tebes, labele haree tuir fali produtu expire kaixa ida ka rua, sira-nia produtu kuaze kaixa 394 mak sira tula mai”.
TATOLI
0 komentar :
Post a Comment
Komentariu lao ho Etika