Alkatiri Loke Sai Segredu Kualidade Projetu!

Iha kampaña eleisaun parlamentar ne’ebé lidera husi Sekretáriu Jerál FRETILIN Dr. Mari Alkatiri durante semana ida resin, hahu husi Liquiça too Hatolia. Iha Diálogu sira, preokupasaun boot husi komunidade partisipante sira maka iha tinan 10 ikus ne’e, infrastrutura ne’ebé hari ho osan bobot maibe kualidade mukit tebes, iha sorin seluk infrastrutura sira ne’e nia folin karun teb-tebes. 

Hatan ba preokupasaun sira ne’e Dr. Mari Alkatiri kompara ponte Noefefan ne’ebé hari iha  Oecussi husi RAEOA/ZEEMS no Ponte CPLP iha Comoro, Dili husi Governu sentral. Ponte Noefefan naruk liu ponte Comoro, ponte Noefefan furak liu Ponte Comoro, ponte Noefefan nia kualidade diak liu ponte Comoro, maibe iha buat ida mak ponte Comoro liu ponte Noefefan, ponte Comoro karu liu ponte Noefefan.

Ho ezemplu ne’e Dr. Mari Alkatiri loke sai segredu, oinsa maka bele halo sasan ho kualidade? Tuir Dr. Mari, atu halo sasan/infrastrutura ho kualidade, nia segrdu iha buat tolu deit, (1) Matan la bele naksolosu no kanten demais ba osan, (2) Liman la bele katar demais hodi simu envolope iha meza okos, (3) Bolsu la bele boot demais hodi subar envelope iha laran. Ho buat tolu ne’e mak ita evita, ita bele halo sasan ho kualidade.

Medía FRETILIN

Share to Google Plus

About Lospalos News

Lospalos News hanesan media ida ne'ebe eziste hosi ema Lospalos atu transmite informasaun sosial ba publiku no laiha interese ba kualker aspeitu ne'ebe iha relasaun ho osan. informasaun ne'ebe Lospalos News publika mai hosi fontes barak, ho intensaun atu publika tutan ba ema hotu ne'ebe presiza.