 |
| Atual Ministru Agrikultura no Eis Ministru Agrikultura |
Dili, 27 Juñu 2017
Durante diálogu ho militante sira iha Hatulia-Ermera, Sekretáriu Jerál Partidu FRETILIN Dr. Mari Alkatiri kritika sistema edukasaun iha Timor-Leste. Tuir Dr. Mari Alkatiri katak edukasaun iha Timor-Leste la la’o tanba ministériu ne’e politizadu.
“Edukasaun la la’o tanba Ministru husi partidu A (red-PD) kuandu sa’e entaun troka diretór sira ne’e tau hotu partidu ne’e nia militante, tanba ne’e maka edukasaun tinan ba tinan kualidade tun ba beibeik.” Dr. Mari Alkatiri deklara ba kuadru partidu nian iha Postu Administrativu Hatulia.
Mídia ida ne’e rekolla fali arkivu notísia sira no nota katak bainhira Antonio da Conceicao toma posse nudár Ministru ba Edukasaun iha duni mudansa ba diresaun sira iha Ministériu Edukasaun nian. Iha mudansa estrutura hahú husi diresaun nasionál to’o ba diresaun distritál ne’ebé kuaze hamosu protesta iha munisipiu sira bainhira Ministériu halo mudansa estrutura refere.
Entretantu Antonio dos Santos nudár membru estrutura Partidu Demokrátiku husi Munisipiu Liquica husu ba Sekretáriu Jerál Partidu FRETILIN atu labele hatudu liman ba ema seluk bainhira seidauk hare ba nia uma laran.
“Mari Alkatiri keta matan at ona karik maka la hare katak depois de remodelasaun governu nian hodi tau Hernani Coelho iha Ministériu Negósiu Estranjeiru ne’e nia haruka militante FRETILIN sira de’it maka sai hotu Embaixadór, balun la hatene ko’alia ingles mós haruka ba hotu” tenik Antonio ho hirus.
Mídia ida ne’e buka tuir reklamasaun husi Sr. Antonio dos Santos nian no hetan duni katak kuaze maioria Embaixadór sira ne’ebé haruka ba nasaun sira hodi troka embaixadór tuan sira ne’e mai husi Partidu FRETILIN.
Antes remata Sr. Antonio dos Santos salienta ba mídia ne’e hodi dehan: “Bainhira Estanislau troka ami nia prezidente Asanami, nia mós halo mudansa iha diresaun hotu-hotu hodi tau maka FRETILIN nia ema de’it, hahú husi nasionál to’o munisipiu sira.”
Entretantu durante komísiu polítika iha Postu Administrativu Hatulia, Sekretáriu Jerál FRETILIN Dr. Mari Alkatiri husu atu kuadru sira halo servisu makas atu FRETILN bele manán ho kadeira 38 iha eleisaun parlamentár tinan ida ne’e.
0 komentar :
Post a Comment
Komentariu lao ho Etika