Lospalos 18 Maiu 2017
Administrasaun munisipiu Lautem eskoilla suku Com, postu administrativu Lautem, Munisipiu Lautem, hanesan fatin ba Komemorasaun loron Restaurasaun Independensia Timor-Leste 20 de maio ba dala Sanulu Resin Lima (15) iha Munisipiu refere.
Relasiona ho promesa Administrador Munisipiu Lautem, Superientendente Sr. Zeferino dos Santos ba komunidade suku Com, iha serimonia tomada de posse ba Sefi Suku Com Sr. Sergio Jose Cristovao, Loron 29 Fulan Dezembru Tinan 2016, katak Administrasaun Munisipiu Lautem sei eskoilla Suku ida sai Fatin ba Komemorasaun loron Restaurasaun Independensia Timor-Leste 20 de maio ba Sanulu Resin Lima (15) iha Munisipiu Lautem, no iha posibilidade atu realiza iha suku Com wainhira tama kriteria ne'ebe atribuida tiha ona. (Hateten Sr. Zeferino dos Santos, Administrador Munisispiu Lautem iha fatin refere).
Promesa husi Administrador Munisipiu Lautem, Superientendente Sr. Zeferino dos Santos sai duni ona realidade, katak Komemorasaun loron Restaurasaun Independensia Timor-Leste 20 de maio ba Sanulu Resin Lima (15) iha Munisipiu Lautem sei komemora iha suku Com, postu administrativu Lautem, Munisipiu Lautem tamba suku refere tama ba kriteria ne'ebe Administrasaun munisipiu Lautem atribui, ho liafuan seluk, suku kom iha potensia rekursus humanus no rekursus naturais ne'ebe diak liu eh bo'ot liu duke suku sira seluk.
Programa Komemorasaun loron Restaurasaun Independensia Timor-Leste 20 de maio ne'ebe realiza iha sukus hotu iha Munisipiu Lautem hanesan programa periodika atribuida ne'ebe sei realiza kada tinan, no suku kom sai hanesan suku ba dahuluk ne'ebe eskoilla husi Adiministrasaun Munisipiu Lautem, hodi realiza programa refere tamba hetan kriteria atribuida iha Administrasaun Munisipiu Lautem.
Entretantu, iha suku Com rasik, Komunidade sira orguillu tebes ho programa refere, tamba senti programa ne'e diak tebes no bele hametin mos unidade entre komunidade suku Com ho sukus sira seluk, tamba programa refere sei konvida sukus barak iha munisipiu Lautem laran tomak. (Hateten Kassaray "Juventude Suku Com" ba ekipa Lospalos News iha Fatin refere).
Tuir observasaun Lospalos News, Programa Komemorasaun loron Restaurasaun Independensia Timor-Leste 20 de maio iha Munisipiu Lautem ne'ebe sei realiza iha Suku Com, postu administrativu Lautem, Munisipiu Lautem sei hetan entusiasmu maka'as husi Autoridades Munisipiu Lautem Tomak inklui mos komunidade no entidades sira seluk, hanesan veteranus, parte igreza, juventude, estudantes, universitarius nomos Autoridades Suku Com rasik, tamba iha prossesu preparasaun ne'ebe halao durante loron hirak liu ba, hetan partisipasaun maka'as husi entidades hotu nomos hatudu unidade iha servisu waihira halao preparasaun logistika hanesan prepara tenda, no seluk tan.
Komisaun Organizadora ba programa refere, liu husi via Facebook ba ekipa Lospalos News hateten, Programa refere komesa halo preparasaun durante semana ida antes tama ba Loron 20 Fulan maiu Tinan 2017, no wainhira tama ba iha Loron 20 Fulan maiu Tinan 2017 sei iha programa espesifika hanesan Dada Bandeira no sei taka ho enseramentu animasaun ba komunidade ho Festa, Dansa tebe no haksolok tuir kultura Timor-Leste, no liu-liu kultura Munisipiu Lautem.
Fonte : Ason & Meo
Editor : Z'ray
0 komentar :
Post a Comment
Komentariu lao ho Etika