Opiniaun ida ne’e la bazeia ba elementu diskriminativu eh assediu no defarmasaun ruma, katak opiniaun ida ne’e bazeia ba konsagrasaun Kontituisaun RDTL Artigu 40 no 41 konaba Liberdade ko’alia no informasaun ninian ho Liberdade imprensa no komunikasaun sosiál ninian.
Hosi : Iraonu ba Timor - Leste
Hakerek nain: Foekoro & Ulunashu
Fonte : Paulina, Armindo, Jose & Gilbertu
Fatin : Lakin-Foe
Rihun rua sanulu resin hitu, tinan ne'ebe espesial tebes ba Ema elite politikais sira hodi lao tun sae buka popularidade, hahu hosi sidade to'o rural, ho objetivu ida mesak, maka konfiansa povu ne'ebe sei lori sira ba governasaun periodu 2017-2022, ida-idak lao ho estrategia politika ne'ebe diferente, iha balun mak lao ho onestidade eh transparansia tuir etika politika partidu no iha balun mos mak lao ho politika insufisiente, utiliza estrategia manobrativu eh loke kuak taka kuak hodi hetan konfiansa povu nian.
Tinan sanulu resin ne'en ona Nasaun RDTL Restaura nia independensia, lakeur tan tama tinan sanulu resin hitu, governasaun mos iha ona sextu governu konstitusional no lakleur tan tama iha setimu governu konstitusional.
Dezenvolvimentu no estabilidade mos lao, povu timor hotu asiste, mudansa sai to'os hanesan fatuk, Faillansu mosu sulin hanesan be'e, Ekonomia la hetan Passu, inflaksaun hetan primeiru lugar, Herois konta ho Liman fuan, koruptores mosu hanesan nehek, Justisa sai inimigu ba povu no sai amigu ba ema kapital, Lei sai impedimentu ba povu no sai forsa ba Ema elite.
Povu nia halerik hanesan mehi ida ne'ebe akontese waihira Sira Toba, no sei la real waihira hader, laiha respondensia hosi Sira ne'ebe servisu hanesan Legitimidade governu hodi reprezenta povu nia esperansa.
Gabinete ministerial sai fatin buka naran, parlamentu nasional sai fatin deskansa, Edifisiu estadu sai fatin familiarismu no partidaria hodi halibur malu sai diak.
Povu matan mos loron sorin deit, loron tuir mai povu haluha buat hotu tan Ema taka ho Lia bosok, ho osan no material.
Ida ne'e duni maka akontese ba be-beik, tamba kapasidade povu hodi observa, hodi Analiza maka limitadu Tebes.
Gerasaun foun matenek barak maka iha ona povu nia le'et, maibe sei sai fahi ba Ema elite, ba Ema kapital, tamba Sira rasik haluha dever nu'udar agente transformador, nu'udar matan, ain, ibun, nanal inan aman ne'ebe iha kapasidade limitadu.
Atu bele hamos povu nia matan hodi bele hare no observa buat hotu, so ita ne'ebe aasume pojisaun nu'udar gerasaun foun, Assume dever nu'udar agente transformador, hahu loron ohin ba futuru, puberniza espiritu inan aman ba iha progressu politika, dinamika politika positiva.
Hases a'an hosi politika insufisiente, lalika hare ba historia funu, lalika hare ba gerasuan tuan ka foun, maibe estuda, observa no analiza nia estrategia politika, nia planu politika nomos antesendensia politika tuir manual programa ne'ebe iha.
0 komentar :
Post a Comment
Komentariu lao ho Etika