SESTA BÁZIKA TENKE HAPARA
Zelara Couleve
ZC
Atu rekupera
ekonomia rai laran presiza investimentu la’ós Sesta bázika. Modelu sesta bázika
sei halo povu deskontente tanba produtu lokal hirak ne’e sei folin iha loron
balun de’it depois de sesta bázika remata mak povu nafatin leba produtór refere
tuituir dalan.
Governu presiza
loke modelu investimentu sustentável ba setór agrikultura hodi nune’e bele fó
fatin ba setór turismu para bele promove produtu local hirak ne’ebé mak povu produz
nune’e bele folin iha merkadu liu-liu iha area turismu ne’ebé mak potensial no
atrai vizitante barak. Ho meius hirak ne’e produtu lokal sei fó retorno ba povu
ida idak atu oinsá povu rasik mos bele investe di’ak liu tan iha agrikultura ho
modelu ne’ebé mak bele adota mos sistema agrikultura modernu.
Bele karik programa
sesta bázika ne’e hapara. Modelu di’ak atu Governu hamoris investimentu rai
laran mak ne’e, presiza:
- Trade Invest atu
koordena oinsá ho setór privado komesa hare modelu investimentu iha área
agrikultura no peska no investimentu iha área turismu. Papél trade invest importante tebes atu fó
dalan investimentu di’ak ba Setór
privado sira hodi nune’e bele loke mos kampu trabalho ba Timor-oan. Labele hare de’it ba investor
sira husi rai liur quanto mais situasaun pademia Covid-19 sei la’o makas i sei
suar ba investor sira husi rai liur atu mai tau investimentu iha rai laran.
- Ministériu
Agrikultura nia papél importante tebes atu hili fatin/rai ne’ebé mak produtivu
ba setór privado sira atu investe hodi bele produz ai han/hakiak animál atu
nune’e bele hamoris no hasae produsaun no ajuda economia povu ho meius loke
kampu servisu. Ministério Agrikultura no Peska mos bele fasilita oinsá atu
kapasita setór privadu hodi iha área técnico no tecnologia enquanto iha ona
recurso humano iha área balun ne’ebé mak preparadu hodi suporte setór privado
no povu iha área agrikultura hodi bele hadi’a sistema implementasaun no
produsaun.
- Ministériu
Turismu Komérsiu no Indústria nia papél
importante atu identifika no hili area
turismu komérsiu no indústria ne’ebé mak
sustentável ba setór privado sira atu bele investe hodi bele hamoris setor
importante 3 exemplo simples iha Dili ita iha área turismu ne’ebé mak pelo
menos bele simu vizitante kada loron mais de 200 pessoa iha kada oras/ kada
loron nia laran hanesan, Estátua João Paul II iha área tasi 3 no Cristo Rei
fatin hirak ne’e mesmo que sai hanesan fatin turismu sagradu no turismu público
maibé bele uja meius ida atu vizitante sira tama sai bele selu impostu.
SEFOPE mos nia
papél importante atu suporte área sira hanesan Agrikultura, Turismu komérsiu no
Indústria. Oinsá SEFOPE bele kapasita joven foin Saé sira ne’ebé mak iha
vontade atu servisu iha área oioin hodi bele promove mos ba setór privado sira
iha rai laran hodi bele hetan oportunidade servisu hodi nune’e bele redús mos
trabalhador sira husi estranjeiru.
Obrigado 😊 ba lee na’in sira
Deskulpa karik
analisa buat balun ne’ebé sei salah husi Opinião badak ne’e.
0 komentar :
Post a Comment
Komentariu lao ho Etika