Iraonu, 21/07, Funsionariu PNDS Munisipiu Lautem, Posto Administrativu Lautem, suku Com,aldeia Iraonu, Pitileti no Etepiti, utiliza motorizasa estadu ba atividade partidu CNRT ne’ebe realiza iha loron 20 no 21 fulan jullu tinan 2017, iha aldeia Iraonu, Pitileti no Etepiti.
Tuir informasaun ne’ebe hato’o hosi juvetude ho naran inisial P ba ekipa Lnews, Motorizada estadu ho marka governo ne’ebe la temi nia numeru ne’e, movimeta iha atividade partidu CNRT durante atividade ne’e lao, maizumenus oras 06:00 lorokraik ba leten. Motorizada hirak ne’e utiliza hosi funsionariu PNDS ne’ebe iha aldeia refere.
P mos subliña katak, atividade partidu CNRT ne’ebe realiza iha loron 20 no 21 ne’e laiha rekoñesimentu hosi autoridades lokais sira iha fatin refere, tamba laiha lisensa ruma hosi komissaun organizadora ba autoridades lokais sira.
"Atividade ida ne’e hetan partisipasaun masimu hosi militante partidu CNRT. Maske laiha simbolu ida ke hatudu katak, atividade refere hanesan atividade partidu, maibe komunidade hau hatene katak ne’e atividade partidu tamba laiha militante partidu seluk ne'ebe partisipa, so militante partidu CNRT deit. Aktividade ida ne'e sira foti dehan atu halibur komunidade no juventude tomak, maibe iha relidade juventude CNRT no militante CNRT dei, i depois laiha mos autorizasaun hosi autoridades sira, maske partisipa hosi sefi juventude suku Com, maibe nia la reprezenta autoridades lokais, nia partisispa tamba nia CNRT" Hateten P ba Lnews.
Tuir mai esklaresimentu inisial P ba ekipa Lnews:
“ Hanesan ita hotu hatene, Wainhira kampaña partidus politikus hanu’u, Comissão Nacional das Eleicões(CNE) sensibiliza ona lei partidu politiku inklui krime eleitoral ba lideransa parpol sira, hodi sira kumpri tuir bainhira iha tempu elisaun tuir lei haruka, sesibilizasaun ida ne’e realiza iha loron 14 fulan jullu tinan 2017.
Tuir orariu ne’ebe determina hosi CNE, Períodu ofisiál kampaña nian sei hotu iha loron 19 fulan-jullu. No loron 20-21 sei aruma atributu kampaña. Partidu 20 no koligasaun ida sei hadau-malu ba fatin deputadu sira nian hamutuk 65 iha Parlamentu Nasionál, no Eleitór sira sei ba fatin urna sira nian iha loron 22 fulan-jullu.
Maske ho nune’e partidu politiku balun nafatin halao atividade partidu maske konseideradu hanesan iregularizasaun ne’ebe kontra lei eleitoral hosi CNE.
Hanesan Partidu CNRT ne’ebe nafatin halao atividade partidu maske tempu atividade partidu liu ona tuir regularizasaun CNE.
Entaun ne’e signifika katak, CNRT halo ona krime eleitoral, tamba sira halo atividade ne’ebe kontra ona regularizasaun CNE, ne’e iregularizasaun, ne’e krime eleitoral, CNE presija hatene ida ne’e, i ema hotu presija mos hatene ida ne’e” Hateten P ba ekipa Lnews.
Ba kestaun utilizasaun motorizadas estadu hodi mete atividade partidu, inisial P konsidera hanesan abuju de poder, “no presija kontrola hosi orgaun kompetente, tamba motor ne’e motor estadu, motor povu nian laos motor CNRT nian”, tenik P.
ZRD01012013
0 komentar :
Post a Comment
Komentariu lao ho Etika