Ministru Planeamentu Investementu Estrateziku Xanana Gusmao hateten, katak Tibar sei sai sentru industria tamba ho ezistensia Portu Tibar bele hamenus ona Importasaun, ho nune'e nia (Xanana), husu atu komunidade labele hari'i uma iha area refere.
Katuas hato'o lia hirak ne'e iha Tibar, Munisipiu Liquisa Kuarta, (14/06/2017), wainhira partisipa dereitamente seremonia Primeiru pedra ba konstrusaun Portu Tibar.
"Ita sei hadia ita nia rai nee, mas hotu-hotu tenke partisipa ho diak, hau fiar katak ita sei ba oin, tanba nee hau aviza los ba ema hotu-hotu atu la bele mai hela iha tibar ne'e, Tibar nee partensia husi zona indsutria, halo pequena industria, nune'e aumenta exportaun no hatun importasaun nunee osan labele ba liur maibe osan sei ba produtor povu nian balu ho nune'e deit hau fiar ita bele hatun kiak iha ita nia rai,” "Tenik Xanana"
Nia (Xanana) Hatutan, prosesu konstrusaun Portu Tibar rasik, sei zere husi konpania Bollere Portu husi Frances ho durasaun servisu to 2020, ho total orsamentu 490 Milloens Dollar Amerikanu neebe investe hamutuk entre konpania ho Guvernu RDTL.
Lider Historiku ne'e husu ba Sekretariu Estadu Terras Propreidade Jaime Xavier Lopes atu labele autoriza tan populasaun sira atu hela iha area Tibar. lian hirak ne'e ho intonasaun; "Senhor Sekretariu Estadu Terras Propioridade la bele arbiru fo tan lisensa halo tan uma arbiru, tanba sira halo duzentus dollar sira husu konpensansi Dois Mill Dollars. Presiza hanoin neebe luan nune'e lori Timor ba dezenvolvementu neebe boot, atu denzenvolve ita nia rain, ita nia hanoin nee tenke luan liu suku, ita nia dezenvolvementu tenke luan liu Timor haree ba dook laos haree deit ba Timor laran,”
Hatan ba Xanana nia apelu, Sekretariu estadu Terras Propioreidade,Jaime Xavier Lopes hatete, Uma sira ne'e lisensa sai husi obras publika, ami nia servisu mak halo konta deit ba rai no uma neebe mak estadu nian, agora dadaun uma sira neebe halo iha area ne'eba ne'e, (Tibar-reed) lisensa ne'e tenke sai husi Obras Publiku mak fo autorizasaun.
Wainhira halo uma iha rai privadu ami labele manda, maibe iha rai estadu mak ami foin iha dereitu notifika sira.
Hanesan Lider ida fo hanoin, tamba parte tesik ba nee (Tibar-red) atu sai zona industria tanba ne'e mak Estadu sei lahatan tan ba ema atu halo tan dezenvolvementu iha besik Portu nee tanba area ne'e Estadu nian neebe mak futuru mai sei halo buat ruma iha ne'e,” hatan Jaime.
Jaime mos fo apelu ba komunidade sira atu futuru mai labele tan hanoin atu halo uma iha Tibar.
Hau fo hanoin mos komunidade sira katak area ida Tibar futuru mai area industria, ne'e duni wainhira atu halo uma privadu karik la bele iha ne'e (Tibar), ne'ebe husu ba Xefe suku, Aldeia, Admistrador Posto no Munisipiu sira atu labele hatan atu ema halo uma,” Tenik Jaime.
Nune'e mos Ministru Obras Publika Transporte e Komunikasaun, Gastão de Sousa mos esplika, Portu Dili la bele augenta ona atu simu sasan Importasaun ne'ebe mai husi rai liur, tanba portu Dili multi fungsaun tantu pasazeiru nune'e Guvernu hola desizaun para bele harii Portu Tibar ne'e.
Portu Tibar hanesan iha dezenu, bele akomoda ro'o ahi neebe bo'ot depois ne'e bo'ot teb- tebes nune'e parseria Setor Privadu mak kontroi portu ne'e, Guvernu tau osan balun no setor privadu mos tau osan balun,” Tenik Gastão
Nia hatutan, Guvernu estuda kuaze viabilidade tinan lima nia laran hodi foti desizaun nune'e finalmente.
Ohin ita halo lansamentu ba primeiru pedra, espera katak bele sussesu para bele impleamenta fali ba projeitu seluk,” Tenik nia.
Guvernu nia investimentu iha Portu Tibar ho montante sentu trinta milloens Dollares Amerikanu, nunee tempu konsensoens mak hamutuk tinan 30 harii no halo Management.
Orasamentu bo'ot liu mak Setor Privadu, ita iha Sentu Trinta Milloens ho duransaun tempu konsensoens mak trinta anos para sira hari'i ho halo manegementu para depois entrega fali mai guvernu bele zere fali ho kondisaun ne'ebe diak,” Hateten Gastão.
Seremonia lansamentu primeiru pedra ba Portu Tibar hetan partisipasaun husi Membrus guvernu hanesan Ministru Obras Publika Gastao Sousa, Minstra no Vice Minstru finansas Santina Cardoso no Helder Lopes inklui Sekretariu Estadu Terras e Propriedade Jaime Xavier Lopes, korpu diplomatiku inklui konpania konstrusaun Portu Tibar, Bollore port no konvidadus seluk.
STL
0 komentar :
Post a Comment
Komentariu lao ho Etika