Tuir deputadu bankada Fretelin Eladio Facultu katak, perkupasaun salariu trabaladores nian neebe ho salariu minimu liu atu atende sira nia presija ba nesesidade uma laran tanba trabalador barak liu sedauk sente hetan justisa lolos ba sira nia servisu.
Naturalmente trabalador sira iha kraik, servisu makas liu konpara ho serbisu sira seluk hanesan funsionariu sira,” Dehan Deputadu Fretilin Eladio ba jornalista STL iha Uma Fukun PN, Tersa (06/06/2017).
Eladio dehan, Trabalador sira nia salariu minimu nee hanesan ladun justu tanba US$115.00 nee atu sustenta familia ho moris loron-loron, kustu devida labele moris ho osan nee iha fulan ida nia laran.
Antes mandatu nee hotu, hau sente hanesan menbru parlamentu foun, buka para koalia ho governu liu-liu menbru governu, intensoens atu Konsellu Ministru diside oinsa atu estabele salariu minimu ke salariu neebe diak ba ita nia trabalador sira neebe servisu todan, bele hasae sira nia salariu para bele moris. Ami lakonsege atu rezolve problema nee, ami hanoin prosima lejeslatura bele fo dalan para rejolve problema sira nee,” tenik nia.
Iha fatin hanesan deputado bankada Fretilin Paulo Moniz Maia hateten Governu fo sai ona dekretu lei ba povu tomak kona ba salariu hahu husi funsionariu ba too emprezariu ka kompania.
Ita nia lei governu fo sai ona dekretu lei ba povu tomak kona ba salariu, salariu hahu husi funsionariu ba too iha ita nia maluk sira neebe maka servisu iha enprezariu ou konpañia, salariu US$115.00 ba ema neebe mak servisu iha enpreza privadu, konpañia privadu inkluineebe servisu iha loja, maibe la taka dalan ba kompania atu hasae sira nia salariu kuandu ninia funsionariu servisu diak kuaze tinan ida ka rua ona,” tenik nia.
Nia hatutan, TL nasaun kiik, neebe servisu atu sai funsionariu limitadu tebes, maluk barak servisu iha konpaña privadu, servisu ho enpreza sira Timor oan nomos estranjeru sira neebe maka loke sira nia kompania iha rai laran.EST
Suara Timor Lorosae
0 komentar :
Post a Comment
Komentariu lao ho Etika