“30 porsentu ne’e sala porque nia agora aumenta ona besik 40 pursentu ona, ministériu sira hotu la hanesan maibé manéira jerál besik ona 40 porsentu, ida ne’e di’ak, sé ita hare por trimester, ideál ne’e to’o fim de Juñu ne’e ezekusaun tenke 50 porsentu, ha’u fiar katak to’o fim de Juñu nia sei to’o 50 pursentu,” PM, Rui Maria de Araújo, informa ba jornalista sira iha Palásiu Prezidensiál, Bairo-Pite, Dili, Kinta, (1/6) hafoin partisipa serimónia komemorasaun loron mundiál ba labarik sira.
Nia esplika, distribuisaun entre ministériu sei la hanesan, tanba hanesan atu planeia ezekusaun orsamentu no jere ezekusaun ne’e la hanesan iha ministériu hothotu.
Xefe Governu hatete, ezekusaun Orsamentu Jerál do estadu (OJE) 2017 nian la depende ba membru governu, tanba funsionáriu sira iha ministériu ida-idak kontinua hala’o servisu.
“Ezekusaun orsamentu ne’e la depende ba membru governu, estrutura birokrátiku hosi Diretór Jerál mai kraik, sira iha ne’ebá nafatin atu tau servisu nia funsionamentu. Sé ezekusaun atraja, tuir ha’u-nia hare la’ós tanba laiha membru governu laiha ne’eba, tanba kapasidade atu ezekuta buat ne’ebé planeia tiha ona ne’e sei limitadu,” dehan Rui.
Mandatu VI Governu Konstitusionál nian sei remata iha fulan Agustu, maibé OJE 2017 nian ho montante Billaun 1.3 ne’e sei to’o iha fulan Dezembru, tanba restu orsamentu hosi OJE 2017 nian, governu foun maka sei halo planu ba orsamentu refere.(dgx)
Timor Post
0 komentar :
Post a Comment
Komentariu lao ho Etika