"Hanesan sinal diversidade nian. Timor hanesan nasaun ki'ik ida maibé ho diversidade boot ida. Tuir istória moris nafatin hosi reinadu ki'ik sira, ho harmonia balun entre reinu boot sira", nia afirma iha deklarasaun sira ba Lusa iha Díli.
"Maski nune'e iha tendénsia atu hakarak sai oinseluk iha família hanesan ne'e. Ha'u fiar katak halo parte hosi dinámika nasaun nian", nia afirma.
Maski hosi númeru boot kandidatura sira nian - hamutuk 23 - Rui Araújo hatudu konfiante katak kampaña eleitoral, ne'ebé hahú loron 20 Juñu, sei hala'o lahó problema sira.
"Iha sinal sira maturidade maka'as hosi parte ema tomak nian. Maski iha insidente ki'ik sira, ha'u fiar katak buat hotu sei la'ó ho di'ak. Demokrasia iha faze adolesente no ema sira entende katak ne'e maka hanesan prosesu", nia afirma.
Partidu polítiku hamutuk 22 no koligasaun ida hosi forsa polítika tolu formaliza ona nia kandidatura ba eleisaun parlamentar sira iha loron 22 Jullu iha Timor-Leste, haktuir hosi informasaun ne'ebé fó hosi Tribunal Rekursu iha Díli ba Lusa.
Ne'e hanesan númeru boot hosi partidu sira ne'ebé maka kandidata ba asaun eleitoral ida iha Timor-Leste hahú hos votu ba Asembleia Konstituinte iha tinan 2001.
Iha eleisaun sira ba Asembleia Konstituinte iha tinan 2001 aprezenta ona partidu hamutuk 15 no kandidatu independente ida (hosi distritu Oecusse), iha eleisaun parlamentar dahuluk sira iha tinan 2007 aprezenta kandidatura hamutuk 14, inklui koligasaun ida no iha tinan lima liubá aprezenta ona kandidatura hamutuk 21 - partidu hamutuk 19 no koligasaun rua.
Votasaun tinan ne'e halo ona ho baze hosi alterasaun foun ba lei eleitoral nian, inklui ba aumentu hosi limiti votu sira nian ne'ebé presiza hodi bele hili deputadu sira, ne'ebé aumenta hosi 3% ba 4% hosi votu válidu sira.
CNRT (36,68%), Fretilin (29,89%) ho PD (10,3%) de'it maka ultrapasa ona limiti hosi 4% ne'e iha eleisaun sira tinan 2012 nian, no FM ho aas oituan hosi 3%.
To'o loron 11 Juñu, tuir kalendáriu publikadu iha Jornal Repúblika, Tribunal Rekursu kompleta verifikasaun hosi kandidatura sira ne'ebé aprezentadu, ho sorteiu ba orden hosi boletin sira votu nian halo iha loron 15 ka 16 oinmai.
Fazer tuirmai maka hosi konstituisaun hosi sentru sira votasaun nian no estasaun sira votu nian ne'ebé tenki hakotu to'o loron 22 Juñu.
Kampaña eleitoral loron 30 nian halo entre 20 Juñu no 19 Jullu, iha previzaun ba loron rua reflesaun nian antes votu iha loron 22 Jullu.
Kalendáriu kalkula katak apuramentu iha nível munisipal sei hakotu to'o loron 24 Jullu no apuramentu iha nível nasional hotu to'o loron 27 Jullu.
Bainhira hakotu prosesu hosi eventual rekursu sira ba informasaun provizional sira ne'ebé aprezenta hosi Komisaun Nasional ba Eleisaun nian (CNE), Tribunal Rekursu iha to'o loron 06 Agostu hodi halo validasaun no proklama rezultadu sira.
Deputadu na'in 65 hosi Parlamentu Nasional ne'ebé sei eleitu iha loron 22 Jullu sei iha responsabilidade hodi apoia formasaun ba ezekutivu tuirmai, Governu konstitusional dahitu.
SAPO TL ho Lusa
0 komentar :
Post a Comment
Komentariu lao ho Etika