Lú-Olo Sei Inaugura Ponte Noefefan

Prezidente da Repúblika Dr. Francisco Guterres Lú-Olo aban, Sesta (09/06) sei hala’o vizita ba Oe-Cusse-Ambeno durante loron rua (9-10) hodi inaugura Ponte Noefefan, tanba hetan konvite husi Prezidente ZEESM Mari Alkatiri.

Tuir nota komunikadu ne’ebé mak TATOLI asesu hosi palasio prezidensia, ohin, Kinta (08/06)  haktuir, Iha loron-9 fulan-Juñu tinan-2017 Prezidente-da Repúblika sei vizita projetu sira ZEESM nian hanesan: Estrada Urbana, Iluminasaun Eletrisidade iha Pante Makasar, Jardin ba Parke Desportiva, Klínika espesiál Polivalente, Sistema Irigasaun iha Tono, Hotel Ambeno, Jardin Lifau, Pista Aeroporto Internasionál no Terminál no Sentral Eletrisidade Inur Sakato.

Iha okaziaun ne’e, Prezidente-da-Repúblika Francisco Guterres Lú-Olo sei hala’o sorumutu ho Konsellu-de-Suku sira no reprezentante partidu polítiku no sosiedade sivil.

Hafoin ne’e Prezidente-da-Repúblika sei inaugura Ponte Noefefan iha loron-10 fulan-Juñu tinan-2017.

TATOLI

Share to Google Plus

About Lospalos News

Lospalos News hanesan media ida ne'ebe eziste hosi ema Lospalos atu transmite informasaun sosial ba publiku no laiha interese ba kualker aspeitu ne'ebe iha relasaun ho osan. informasaun ne'ebe Lospalos News publika mai hosi fontes barak, ho intensaun atu publika tutan ba ema hotu ne'ebe presiza.