Lia fuan hela naran (Helena) ema sempre uza ba buat ruma neebe maka larealiza iha tempu saida deit, lia fuan nee merese prega ba deputadu sira iha terseira lijislatura. Tanba durante nee distindu deputadu sira garganta dehan antes mandatu remata, sei halo diskusaun ba lei KAK, maibe realidade lahalo diskusaun ba lei nee to ohin loron.
Distindu deputadu sira matenek los, hari tiha instituisaun KAK iha dia 2009 no funsiona iha tinan 2010, besik tinan 7 ona, Maibe lahalo lei ba KAK para servisu ho diak. Ukun nain sira hari KAK hanesan kurtina deit, hodi hatudu ba mundu internasional katak, Timor Leste iha vontade kombate korupsaun iha rai laran. Maibe labele haluha katak tuir relatoriu Internasional iha tinan 2017 Timor Leste iha numeru 12 lista mean ba korupsaun.
Tuir Direitor ONG Gertak Faustinho Magno hateten, lei KAK nee bele konsideira hela deit ona, tanba deputadu sira nia mandatu besik remata ona mos lei nee seidauk tau ba ajenda hodi halo diskusaun.
“Se deputadu sira lahalo diskusaun ba lei nee, ita bele dehan hela naran deit ona, tanba mandatu mos atu besik remata ona,” dehan Faustinho bainhira dada lia ho STL, iha Caicoli, Dili, Segunda (05/06/2017).
Nia dehan, Parlamentu Nasional durante nee hari KAK hanesan kurtina deit, tanba lahalo lei ba KAK hodi bele prosesu autor kuroptor sira ba Tribunal.
Iha parte ketak membru komisaun A (PN), deputadu Paulo Monis Maia hateten, Komisaun Anti Korupsaun nee hari hela naran deit, tanba agora seidauk kaer ema ida ba hatan iha Tribunal, tanba laiha lei ida maka atu asegura. Carme Ximenes
Suara Timor Lorosae
0 komentar :
Post a Comment
Komentariu lao ho Etika