Ema han ikan iha TL sei menus

Xefe Departamentu Produsaun Fini, Ministériu Agrikultura (MAP), Adrianu Dani observa, han (komsumidor) ikan iha Timor-Leste sei mínimu liu, tanba ne’e Ministériu Agrikultura no Peska (MAP), agora halo produsaun ba fini ikan nian.

“Oinsá mak ita suporta fini ba grupu sira no haki’ak hodi redús mál nutrisaun iha Timor-Leste liuhusi konsumu ikan barak, loke kampu traballu ba joven sira tanba sira haki’ak ikan bainhira boot ona sira bele fa’an no hetan lukru, nomós suporta ba merenda eskolár ne’ebé sai mós  prioridade Governu nian,” Adrianu Dani hatete iha Komoro, ohin.

Objetivu Ministériu Agrikultura no Peska (MAP), liuliu Diresaun Jerál no Peska halo produsaun fini ikan ne’e tanba haree ba konsumidór ikan iha rai-laran sei mínimu liu.

Ho produsaun fini ikan ba futuru bele suporta merenda eskolár, meus ida agora ministeriu iha mak iha munisípiu  tenki haki’ak ikan, no dauduaun ne’e balun kolleita  ona nomós fa’an.

“Ba oin oinsá mak ita foku didi’ak ba ida ne’e, prodús barak depois suporta ba merenda eskolár ba eskola sira ne’ebé presiza.” Adrianu hakotu lia.

TATOLI

Share to Google Plus

About Lospalos News

Lospalos News hanesan media ida ne'ebe eziste hosi ema Lospalos atu transmite informasaun sosial ba publiku no laiha interese ba kualker aspeitu ne'ebe iha relasaun ho osan. informasaun ne'ebe Lospalos News publika mai hosi fontes barak, ho intensaun atu publika tutan ba ema hotu ne'ebe presiza.