Planu Estratéjiku Dezenvolvimentu Nasionál Matadalan ba Objetivu Dezenvolvimentu Sustentável

Primeiru Ministru (PM), Rui Maria de Araújo

Dili: Primeiru Ministru (PM), Rui Maria de Araújo hateten, atu alkansa Objetivu Dezenvolvimentu Sustentável "ODS", Timor­Leste utiliza Planu Estratéjiku Dezenvolvimentu Nasionál "PEDN" hanesan matadalan.

Sefi estadu ne'e hateten, "Ita iha PEDN, ita iha ODS ita halo alinnamentu signifika ODS ne’e tama iha ita­n ia PEDN. Ida ne’e halo tiha ona ita alinna ODS ne’e mai iha PEDN depois ita halo sekuénsia intermuz prioridade,” PM hato’o lia hirak ne’e iha Konferensia imprensaCCD, Segunda (22/05/2017) hafoin enkontru loron dahuluk ba Konferensia G7+.

Nia hatutan mos katak, implementasaun ODS iha dezafiu importante mak presiza mobiliza Rekursu Umanu no Finanseiru. Atu PEDN bele sai hanesan dalan ida atu lori implementa ODS ne’e. Ho ida ne’e, Planu Governu Timór­-Leste nia ba aban bairua, Primeiru Ministru husu atu instituísaun governu prepara orsamentu bazeia planu anuál no metas PEDN ho ODS nian tamba PEDN ho ODS iha alinnamentu siknifika ODS ne’e tama iha ita­nia PEDN.

Husi perspetiva ida ne’e Governu hanoin, bainhira Timór­-Leste implementa duni iha tinan 2030 sei halakon ki’ak iha Timór­Leste.

Sefi estadu ne'e husu mós ba iha parseiru dezenvolvimentu iha nasaun ida­idak tenke halo nia servisu hodi garante rekursu umanu ne’ebé limitadu. hanesan esforsu hatudu kapasidade atu mobiliza rekursu liu­liu alokasau rekursu tuír prioridade ne’ebé nasaun sira iha.

Dezafiu seluk, Sefi estadu ne'e sei konsidera partisipasaun juventude sira iha moris ekonomia no sosiál ne’ebé presiza haree no tau matan liu tan.

Fonte: Online News

Share to Google Plus

About Lospalos News

Lospalos News hanesan media ida ne'ebe eziste hosi ema Lospalos atu transmite informasaun sosial ba publiku no laiha interese ba kualker aspeitu ne'ebe iha relasaun ho osan. informasaun ne'ebe Lospalos News publika mai hosi fontes barak, ho intensaun atu publika tutan ba ema hotu ne'ebe presiza.