Bandung: 16/05/2017
Estudante Universitariu Timor Leste iha Bandung estabelese re-estrutura ba Organizasaun IMPETIL BANDUNG (Ikatan Mahasiswa da Pelajar Timor Leste Bandung) liu husi reuniaun jeral (MUBES) ne'ebe estabele iha loron 16 fulan maiu tinan 2017, iha fatin "waroeng chihampelas Bandung".
Programa reuniaun jeral (MUBES) IMPETIL BANDUNG organiza husi komisaun 20 de maio ne'ebe sefiadu husi Sr. Zerlino Vong, ba Lospalos News via LINE hateten, programa reuniaun jeral (MUBES) ida ne'e estabele ho objetivu atu reativa fila fali Estrutura Organizasaun IMPETIL BANDUNG ne'ebe durante periodu rua la eziste reuniaun jeral (MUBES) hodi halo re-estruturasaun ba estrutura Organizasaun ne'e rasik.
Tuir informasaun ne'ebe Lospalos News hetan, programa reuniaun jeral (MUBES) IMPETIL BANDUNG akumula programa rua, hanesan revizaun Estatutu (AD/ART) IMPETIL BANDUNG nomos Re-estrutura Organizasaun.
Iha programa Re-estrutura Organizasaun hetan kandidatu ida mesak maka kandidata an (independente) ho espiritu ida mesak maka progressu Organizasaun IMPETIL BANDUNG, iha prossesu reuniaun jeral (MUBES), Forum reuniaun jeral (MUBES) foti desizaun hodi eleva Ano sai Sefi IMPETIL no Aldo sai vise Sefi IMPETIL, no tuir plano sei fo tomada de posse iha Loron 20 fulan maiu tinan 2017 no komemora hamutuk ho festa Resturasaun Independesia Timor Leste ba dala sanulu resin lima (15 iha Bandung.
"Ami rekonese buat barak maka lao ho insufisiente iha periodu antes, ne'e masimu tebes no estudate hotu hatene, ho esperiensi sira ne'e, ho hanoin katak sefi no vise foun sei labele lao tuir failansu hirak ne'e, atu nune'e organizasaun IMPETIL BANDUNG bele lao ho diak liu tan" (Mensagem Sefi anterior IMPETIL Bandung Sr. Carlos Sarmento ba novu Estrutura IMPETIL BANDUNG).
Iha parte seluk Vise sefi anterior IMPETIL BANDUNG Sr. Angelo de Vasconcelos a novu Estrutura no membrus IMPETIL BANDUNG tomak hatenen, "Ami hotu, em nome do Estrura Anterior, ami husu deskulpa ba membrus IMPETIL BANDUNG tomak tamba durante ami nia periodu IMPETIL BANDUNG vakum no lao ho insufisiente, ami espera katak periodu tuir mai sei sai diak liu tan duke periodu antes".
Entretantu, iha diskursu novu Sefi no Vise sefi IMPETIL BANDUNG hateten, "Ami nudar Sefi no Vise Sefi foun, ami sei labele halo buat ruma se wainhira laiha kontribuisaun husi imi (Membru) hotu, ami sei hakas an hodi kontinua buat diak hotu ne'ebe iha periodu antes ho sussesu" (Hateten Ano, Sefi IMPETIL BANDUNG Foun). Nune'e mos ho Vise Sefi foun, iha nia diskursu hateten, "Laos ita mak halo se fali, no la agora wainhira tan" (Hateten Aldo, Vise Sefi IMPETIL BANDUNG Foun).
Programa refere lao ho diak tuir esperansa Estudantes Universitarius Timor Leste iha Bandung ne'ebe hamahon an iha Organizasaun IMPETIL BANDUNG, no sira entusiasmu maka'as no enkoraza tebes ba programa refere, no fo mos agradesimentu ba Estrutura anterior nomos ba Estrutura foun, tantu mos Komisaun Organizadora ba Programa refere.
Fonte : Costa
Editor : Z'ray
0 komentar :
Post a Comment
Komentariu lao ho Etika