Asaun ba daruak husi Povu Timor-Leste Sunu Lilin ba Governador Aktual DKI Jakarta Ahok, fila fali hafanun sidade Dili ho sentidu solidu.
Partispantes rihun ba rihun, n'e'ebe halo asaun refere aumenta liu tan duke Kinta kalan (11/05/2017).
Tuir informasaun ne'ebe Lospalos News hetan, 500 partisipantes iha kinta kalan aumenta ba 700 ital partisipantes ne'ebe halibur fila fali hodi halo asaun sentidu solidariedade refere iha sesta kalan (12/05/2017).
Iha momentu asaun lao dadauk, Equipa Lospalos News, koko hakbesik a'an ba partisipantes balun hodi husu sira nia ideias eh sentimentu ba asaun refere, no ikus mais konsege duni hetan informasaun hanesan tuir mai.
Artur Ximenes (Estudante Universitariu UNTL), "Asaun Sentidu Solidariedade hodi suporta Ahok nebe mak sai vitima ba injustisa iha nia rain rasik, entaun nu'udar estudante ne'ebe asume pozisaun hanesan agente transformador, hau bele hateten katak asaun ida ne'e ho objetivu atu:
- Hatudu ba mundu katak Timor oan mos suporta Ahok hodi sai husi injustisa Indonesia nian ne'ebe mak nia hasoru
- Ho aksaun refere ita fo ona vontade nafatin ba Ahok atu sai maduru liu tan hasoru politika foer ne'ebe mak dadauk ne'e mosu iha Indonesia
Tamba ita Timor oan mos hatene Governasaun Ahok nian durante nia sei tur Kadeira Governador DKI Jakarta nian, Katak nia konsege halakon korupsaun no seluk tan.....(Terik Artur Ximenes)
Iha parte seluk, Nicodemos da Costa Pinto (Estudante Universitariu UNITAL) hateten, Ita hlo aksaun id ne'e laos tan hare ba religiaun mak ita halo ida ne'e, tamba ita hotu senti no hare realidade katak Ahok sai hanesan ezeplar ida ba ita hotu hanesaa mos magnetu ida ne'ebe mak dada ita hotu nia atensaun, tan ida ne'e mak ita hotu mai iha ne,e .
Husi ne'e, mundu bele hare laloran asaun politika katak Ahok mate ho nia dalan politika waihira nia kazu tama iha tribunal, maibe iha parte seluk, realidade hatudu momos katak iha ona akontesimentu anomalia, katak politikus (Ahok) ne'ebe detem ona iha prizaun nomos lakon iha eleisaun lokal (Pilkada), dispara naran n'ebe morin tebes. Laos deit iha Jakarta maibe iha Indonesia nia laran Tomk, no laos deit iha nasaun Indonesia maibe iha estrnajeiru mos, inklui iha Timor_leste.
Tuir observasaun Lospalos News, Ahok sei sai figura ida ne'ebe maka konhesidu tebes iha era treseiru mundu ida ne'e tamba realidade hatudu momos katak, asaun solidariedade ba kazu injustisa ne'ebe hanehan Ahok dada sentimentu mundu internasional hotu-hotu, hahu'u husi nasaun ho povu maioridade kristaun to'o relijiaun sira seluk, ezemplu asaun solidariedade 1000000 lilin ba Ahok iha Kambodia, iha ne'eba laos maioridade kristaun, maibe sira sei estabelese asaun refere maske sira nia relijiaun Budha.
Iha parte seluk, ONU, Uniaun Europeia, no Komunidade mundu internasional sira seluk mos tenta hodi husu orgaun kompetente iha indonesia hodi ezekuta prossesu ekilibriu hodi tetu justisa lolos iha nasaun Indonesia, hanesan iha Holanda, Tribulan Internasion ba povu mos hatudu asaun emerjensia ba justisa Indonesia relasiona ho injustisa ne'ebe haehan Ahok, katak Indonesia iha hela alarma emerjensia ba justisa, tamba justisa la bazeia ba Demokrasia ne'ebe buras dadauk iha nasaun refere.
Entretantu, iha Timor-Leste, Aktividade eh Asaun sunu lilin no reza sei kontinua nafatin to'o tempu ne'ebe mak sei misteriu ba ita hotu, tamba laiha determinasaun tempu formal husi Komite aktivista ba aaun refere.
Asaun Sexta kalan (12/02/2017) hahu'u oras 20:00 to 22:00 Otl, no hetan partisipasaun masimu husi estudante, universitarius, juventude, aktivista nomos sidadun indonesia ne'ebe reside iha Timor-Leste, liu-liu iha kapital Dili, Asaun ida ne'e hetan seguransa masimu husi Polocia Nacional Timor-Leste (PNTL) Task Force, nomos elementu Batalhion Ordem Publiku (BOB).
Z'ray & Bung Arto
0 komentar :
Post a Comment
Komentariu lao ho Etika