"Povu ne'ebé matenek lidera husi líder sira ne'ebé konstrui sira nia nasaun, povu ne'ebé beik lidera husi lider sira ne'ebé konstrui sira nia-an rasik"
Maluk sira, Lider ne’e hanesan mos ho kapitaun Barku ka Ró. Nia mak determina diresaun ba ne'ebé mak atu an-kora ba ka la’o ba. La’ós ida ne’e de’it , iha nia liman mos, risku seguransa ba vida pasajeiru sira hotu nian iha ba. Ho nune’e, la exesivu karik kapitaun Navio ka Ró-Ahi rekere tenke kompetente no iha kometimentu eh kompromisu hodi lori pasajeiru to’o objetivu ho seguru.
Tarefa lider ne’e todan, tanba lideransa ne’e mandatu ka responsabilidade. Lideransa la’ós atu sai eroika ka buka autoridade maibé atu hala’o no ezekuta ideia sira husi ema sira ne'ebé nia lidera ba. Ho nia tarefa sira ne’e, la-fasil atu hetan figura lider ne'ebé realmente lider ida duni. Se só atu buka de’it sai ukun-na’in, ne’e barak, maibé ukun-na’in la-signifika ne’e lider ida.
Lao-Tzu, ema Filózofu Xinés ida, nia-hanorin katak, ema lider ida tenke hanesan bee, ne'ebé sulin tun hodi habokon fatin maran sira. Signifika, ema lider ida disposto no apto (Hakarak no bele) tun hodi presta atensaun ba destinu ninia povu nian, rona sira nia aspirasaun no esperansa, inklui servi ho dedikasaun tomak, ho nune’e ini povu sente seguru, konfortavel, protejidu, no hakmatek. Hatutan-liu, Lao-Tzu deskreve katak, ema lider ida hanesan mos ho parteira ida ne'ebé ho nia pasiénsia no sinseridade-aas hodi servi inan-feton ne'ebé iha hela prosesu partu hodi hahoris bebé ida.
“Se hakarak semo-aas hanesan makikit, entaun labele aprende semo ho manu inan nativo”
Hakerek Husi : El-sarawey Xavier Agiar Branco
Edit no Traduz Husi : Mua-Malay Z-ray Vilela
Lé Mos: LOLOS E NAPA PATI || POEZIA
0 komentar :
Post a Comment
Komentariu lao ho Etika