LOLOS E NAPA PATI || POEZIA

hasai an hosi imperialismu

povu buka moris iha UE

hetan edukasaun atu serbi liberdade

han lor-loron hanorin lisaun realidade

promesa edukasaun atu loke kakutak

halai tuir malu hanesan bibi-malae ba rai kuak

mamuk hanesan bidón

habosu an ho konkalikon

bosu ona hahu nonók

nudar fini ne'ebé la fó ksolok

nauk ten hamaluk ho borgól

nauk nain hamaluk ho projeitu

projeitu mate iha klaran

uza ida ne'e hodi buka dalan

rai nian bokur maran ba be-beik

fini sira mos hahu namlaek ne-neik

husu ba leten atu fó netik udan

loron nian manas, sira mos la tahan

Husi : Pajina Taratxerun (Titiso Kourara)

Share to Google Plus

About Lospalos News

Lospalos News hanesan media ida ne'ebe eziste hosi ema Lospalos atu transmite informasaun sosial ba publiku no laiha interese ba kualker aspeitu ne'ebe iha relasaun ho osan. informasaun ne'ebe Lospalos News publika mai hosi fontes barak, ho intensaun atu publika tutan ba ema hotu ne'ebe presiza.